Dinamalar

குருநாதர் ஷங்கரை மிஞ்சிய சிஷ்யன் அட்லீ

தமிழ் இயக்குனரான அட்லீ ஹிந்தியில் ஷாரூக்கான் நடித்த 'ஜவான்' படத்தின் மூலம் அட்டகாசமான இயக்குனர் என்ற பெயரை பாலிவுட்டிலும் பெற்றுள்ளார். ஆயிரம் கோடிக்கும் அதிகமாக அந்தப் படம் வசூல் செய்ததே அதற்குக் காரணம்.

அட்லீயின் அடுத்த படமாக அல்லு அர்ஜுன் நடிக்க உள்ள படம்தான் தயாராகப் போகிறது என்ற தகவல்கள் ஏற்கெனவே வெளியாகி உள்ளன. அடுத்த மாதம் அல்லு அர்ஜுனின் பிறந்தநாளன்று இப்படத்தின் அறிவிப்பு வெளியாகலாம் என எதிர்பார்க்கப்படுகிறது.

'புஷ்பா 2' படத்திற்குப் பிறகு தன்னுடைய அடுத்த படமும் பான் இந்தியா படமாகவே இருக்க வேண்டும் என அல்லு அர்ஜுன் நினைக்கிறாராம். இப்படத்திற்காக அட்லீக்கு 60 கோடி ரூபாய் வரை சம்பளம் பேசப்பட்டுள்ளதாக டோலிவுட் வட்டாரங்களில் தெரிவிக்கிறார்கள்.

இதன்மூலம் தமிழ் இயக்குனர்களில் அதிக சம்பளம் பெறும் இயக்குனர் என்ற பெருமையைப் பெறுகிறார் அட்லீ. அவரது குருநாதரான ஷங்கர் தெலுங்கில் ராம்சரண் நடிக்க இயக்கி வரும் 'கேம் சேஞ்சர்' படத்திற்காக 50 கோடி சம்பளம்தான் வாங்குகிறாராம். 'ஜவான்' படத்திற்குப் பிறகு குருவை மிஞ்சிய சிஷ்யனாக அட்லீ மாறிவிட்டார் என கோலிவுட்டிலும் சிலர் பொறாமையுடன் பேசிக் கொள்வதாகத் தகவல்.

• 
  ஆனந்த்.எல்.ராய் இயக்கத்தில் இணையும் முன்னனி நடிகைகள்
• 
  60 கோடி செலுத்த ஷில்பா ஷெட்டி, ராஜ் குந்த்ராவுக்கு நீதிமன்றம் உத்தரவு
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...

• 
  ஒரே மாதத்தில் திரைக்கு வரும் கிர்த்தி ஷெட்டியின் மூன்று படங்கள்
• 
  100 பேர் வந்தாலும்....! பிரதீப் ரங்கநாதனின் 'டியூட்' படத்தின் டிரைலர் ...
• 
  இம்மாதத்தில் ஓடிடியில் வெளியாகும் 'லோகா, இட்லிகடை'
• 
  500 கோடி வசூலை நோக்கி 'காந்தாரா சாப்டர் 1'
• 
  அரசன் படத்தின் புதிய அப்டேட் : சுதீப் இணைய வாய்ப்பு