சினிமாவில் தொடர்ந்து நடிக்காதது ஏன் : மோகன் விளக்கம் | தமிழில் வெளியாகும் 'டபுள் ஐ-ஸ்மார்ட்' | பின்னணி பாடகர் வேல்முருகன் கைது | சின்னத்திரை : நடிகை பவித்ரா ஜெயராம் சாலை விபத்தில் மரணம் | புத்தகத்திற்கு பைபிள் பெயர் : கரீனா கபூருக்கு உயர் நீதிமன்றம் நோட்டீஸ் | இந்த ஆண்டில் கமல்ஹாசனின் 3 படங்கள் ரிலீஸ் | அன்னையர் தினத்தில் விக்னேஷ் சிவன் வெளியிட்ட வீடியோ | 'மைதான்' படம் தோல்வி : தயாரிப்பாளர் போனி கபூர் விளக்கம் | என்கிட்ட மோதாதே... நான் ராஜாதி ராஜனடா...! | உள்ளாட்சி தேர்தலை மையமாக வைத்து உருவாகி உள்ள ‛எலக்சன்' |
தயாரிப்பாளரும், நடிகருமான ஆர்கே சுரேஷ் நேற்று அவருடைய சமூக வலைத்தளத்தில் 'தென் மாவட்டம்' என்ற அவர் இயக்கி, நடிக்க உள்ள படத்தின் முதல் பார்வை போஸ்டரை வெளியிட்டார். அதில் இசையமைப்பாளர் என யுவன் ஷங்கர் ராஜா பெயர் குறிப்பிடப்பட்டிருந்தது. நேற்று மதியம் 12.42 மணிக்கு அப்பதிவைப் போட்டிருந்தார்.
மாலை 5.32 மணிக்கு இசையமைப்பாளர் யுவன் ஷங்கர் ராஜா, “பத்திரிகை, மீடியா ரசிகர்களுக்கு ஒரு தெளிவுபடுத்துதல்…. “தென் மாவட்டம்' என்ற படத்தில் நான் பணியாற்றவில்லை, அதற்காக யாரும் என்னை தொடர்பு கொள்ளவும் இல்லை,” என அந்த போஸ்டரைப் பகிர்ந்து பதிவிட்டிருந்தார்.
அதற்கு ஆர்கே சுரேஷ், “யுவன் சார்… நீங்கள் ஒரு படத்திற்காகவும், ஒரு லைவ் இன் கான்சர்ட்'டுக்காகவும் கையெழுத்திட்டுள்ளீர்கள். அதற்கான ஒப்பந்தத்தை பாருங்கள், நன்றி யுவன் சார்,” என பதிலளித்துள்ளார். அதோடு, 2022ம் ஆண்டு செப்டம்பர் 14ம் தேதியன்று யுவன், ஆர்கே சுரேஷ் இணைந்து எடுத்துக் கொண்ட புகைப்படத்துடன் கூடிய “ஸ்டுடியோ 9, யுவன் லைவ் இன் கான்சர்ட்... விரைவில்…,” என்ற பழைய பதிவொன்றின் ஸ்கிரீன் ஷாட்டையும் பகிர்ந்துள்ளார்.
யுவன்ஷங்கர் ராஜா தயாரிப்பில், சீனு ராமசாமி இயக்கத்தில் வந்த 'மாமனிதன்' படத்தை ஆர்கே சுரேஷின் ஸ்டுடியோ 9 நிறுவனம்தான் வெளியீடு செய்திருந்தது.
யுவன், சுரேஷ் இடையிலான இந்த சர்ச்சையின் அடுத்த கட்ட நகர்வு என்ன என்பது விரைவில் தெரிய வரும்.