Dinamalar

சினிமாவில் 19 ஆண்டுகளை நிறைவு செய்த தமன்னா

தமிழ், தெலுங்கு, ஹிந்தி மொழி திரைப்படங்களில் பிரபலமானவர் தமன்னா. சினிமாவில் அறிமுகமாகி 19 ஆண்டுகளை நிறைவு செய்துள்ளார். 2005 மார்ச் மாதம் 4ம் தேதி வெளிவந்த 'சந்த் ச ரோஷன் செஹ்ரா' என்ற ஹிந்திப் படம் மூலம் கதாநாயகியாக அறிமுகமானார்.

2006ம் ஆண்டு வெளியான 'கேடி' படம் மூலம் தமிழ்த் திரையுலகத்தில் நுழைந்தார். அதற்கடுத்து எஸ்ஜே சூர்யா நடித்த 'வியாபாரி' படத்திலும் கதாநாயகியாக நடித்தார். அந்த இரண்டு படங்களும் அவருக்கு பெரிய வரவேற்பைத் தரவில்லை. 2007ல் வெளிவந்த 'கல்லூரி' படம்தான் தமன்னாவுக்கு திருப்புமுனையான படமாக அமைந்தது.

அதன்பின்பு, 'படிக்காதவன், அயன், கண்டேன் காதலை, பையா, தில்லாலங்கடி, சிறுத்தை, வீரம், பாகுபலி, தோழா, தர்மதுரை, தேவி, பாகுபலி 2” உள்ளிட்ட வெற்றிப் படங்களில் நடித்தார். தமிழில் 2019ல் வெளிவந்த 'ஆக்ஷன்' படத்திற்குப் பிறகு எந்தப் படத்திலும் கதாநாயகியாக நடிக்கவில்லை. கடந்த வருடம் வெளிவந்த 'ஜெயிலர்' படத்தில் ஒரே ஒரு பாடலுக்கு மட்டும் நடனமாடினார்.

சினிமாவில் 19 ஆண்டுகளை நிறைவு செய்துள்ளது குறித்து, “எனது அற்புதமான ரசிகர்கள் அனைவருக்கும், உங்கள் அர்ப்பணிப்பும், உற்சாகமும் எனக்கு உந்து சக்தியாக உள்ளது. நீங்கள் அனைவரும் விரும்பும் திரைப்படங்களைத் தொடர்ந்து தருவேன் என்று உறுதியளிக்கிறேன். இன்னும் அதிகமான அற்புதமான வருடங்கள், அன்பாகவும், மறக்க முடியாதவையாகவும் நிறையட்டும்,” எனக் குறிப்பிட்டுள்ளார்.

• 
  ‛சூ ப்ரம் சோ' கன்னட படத்தை ஹிந்தியில் ரீமேக் செய்ய விரும்பும் அஜய் ...
• 
  300 கோடி வசூல் கடந்தும் நஷ்டத்தை சந்திக்கும் 'வார் 2'
• 
  ஷாருக்கான் மகன் டைரக்ஷனில் சிறப்பு தோற்றத்தில் சல்மான்கான், ரன்வீர் சிங்
• 
  டிரோல்களுக்கு ஜான்வி கபூர் கொடுத்த விளக்கம்
• 
  அழகுக்கு அனன்யா பாண்டே தரும் ‛டிப்ஸ்'

• 
  ‛காஞ்சனா 4' படத்திற்கு பிறகு தமிழ் சினிமாவில் என்னை தேடுவார்கள் : நோரா ...
• 
  ‛கஜினி' சிக்ஸ்பேக்கிற்கு அஜித் தான் காரணம் : ஏ.ஆர்.முருகதாஸ் தகவல்
• 
  சன்னி லியோன் நடித்த படத்தின் மூன்றாம் பாகத்தில் தமன்னா
• 
  ஜனநாயகன் இசை விழாவில் கலந்து கொள்ள ரஜினி, கமலுக்கு அழைப்பா?
• 
  '18 மைல்ஸ் தாரணா' : ‛பேச்சுலர்' இயக்குனரின் அடுத்த பட அப்டேட்