Dinamalar

ஆரி அர்ஜூனாவுக்கு ஜோடியானார் லட்சுமி மேனன்

2012ம் ஆண்டு வெளிவந்த 'சுந்தரபாண்டியன்' படத்தின் மூலம் தமிழ் சினிமாவில் அறிமுகமானார் லட்சுமி மேனன். 'கும்கி' படத்தின் மூலம் மேலும் புகழ்பெற்றார். தமிழ் பெண்களின் சாயலோடு இருப்பதால் ரேவதி போன்று இவரும் ஒரு ரவுண்ட்டு வருவார் என்று கணிக்கப்பட்டார். குட்டிப்புலி, பாண்டியநாடு, நான் சிகப்பு மனிதன், ஜிகிர்தண்டா, கொம்பன், வேதாளம், மஞ்சப்பை, மிருதன், றெக்க என அவர் நடித்த பெரும்பாலான படங்களும் வெற்றி பெற்று முன்னணி நடிகை ஆனார்.

திடீரென படிக்கப்போகிறேன் என்று அறிவித்தார். ஒரு மலையாளியைத்தான் திருமணம் செய்வேன், எனக்கு நடிப்பை விட நடனம் தான் முக்கியம் என ஏகத்துக்கு பேசினார். இதனால் அவருக்கு கணிசமான வாய்ப்புகள் குறைந்தது. சில வருட இடைவெளிக்கு பிறகு முத்தையா இயக்கிய 'புலிக்குத்தி பாண்டி' படத்தில் நடித்தார். கடைசியாக சந்திரமுகி 2 படத்தில் நடித்திருந்தார். படம் தோல்வி அடைந்தாலும் லட்சுமி மேனனின் நடிப்பும், நடனமும் பேசப்பட்டது.

இந்த நிலையில் தற்போது அவர் ஆரி அர்ஜூனாவுடன் ஒரு படத்தில் நடிக்க ஒப்பந்தமாகி இருக்கிறார். இந்த படத்தை மெட்ராஸ் டெக் என்டர்டெயின்மெண்ட் நிறுவனம் தயாரிக்கிறது. ராஜசேகர பாண்டியன் இயக்குகிறார். மைம் கோபி, வையாபுரி, பிளாக் பாண்டி, ஷெர்லி பவித்ரா உள்பட பலர் நடிக்கிறார்கள், கார்த்திக் நல்லமுத்து ஒளிப்பதிவு செய்கிறார். படத்தின் பணிகள் பூஜையுடன் தொடங்கியது.

இதில் கலந்து கொண்ட லட்சுமி மேனனை பார்த்து அனைவரும் அதிர்ச்சி அடைந்தனர். முன்பு போல உடல் எடை கூடியிருந்தார். அருகில் உள்ள முதல் புகைப்படம் அவர் உடல் எடையை குறைத்து 2022ம் ஆண்டு வெளியிட்டது. 'சந்திரமுகி 2' படத்தில் சாராசரி உடல் எடையுடன் இருந்தார். இப்போது மீண்டும் உடல் எடை கூடி காணப்படுகிறார். ஒரு வேளை இந்த படத்தின் கேரக்டருக்காக உடல் எடை கூட்டி இருக்கிறாரா? என்றும் தெரியவில்லை.

• 
  ஆனந்த்.எல்.ராய் இயக்கத்தில் இணையும் முன்னனி நடிகைகள்
• 
  60 கோடி செலுத்த ஷில்பா ஷெட்டி, ராஜ் குந்த்ராவுக்கு நீதிமன்றம் உத்தரவு
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...

• 
  ஒரே மாதத்தில் திரைக்கு வரும் கிர்த்தி ஷெட்டியின் மூன்று படங்கள்
• 
  100 பேர் வந்தாலும்....! பிரதீப் ரங்கநாதனின் 'டியூட்' படத்தின் டிரைலர் ...
• 
  இம்மாதத்தில் ஓடிடியில் வெளியாகும் 'லோகா, இட்லிகடை'
• 
  500 கோடி வசூலை நோக்கி 'காந்தாரா சாப்டர் 1'
• 
  அரசன் படத்தின் புதிய அப்டேட் : சுதீப் இணைய வாய்ப்பு