Dinamalar

தெலுங்கில் ஜனவரி 26ல் வெளியாகும் 'அயலான், கேப்டன் மில்லர்'

பொங்கலுக்கு வெளிவந்த படங்களில் தனுஷ் நடித்த 'கேப்டன் மில்லர்' படத்திற்கும், சிவகார்த்திகேயன் நடித்த 'அயலான்' படத்திற்கும் இடையேதான் போட்டி நிலவியது. தனுஷ் படத்தை விட சிவகார்த்திகேயன் படம் சில கோடிகள் வசூலில் முந்தியிருப்பதாகச் சொல்கிறார்கள்.

விமர்சன ரீதியாக 'கேப்டன் மில்லர்' பாராட்டுக்களைப் பெற்றாலும் 'காப்பி கதை' என்ற புதிய சர்ச்சையில் சிக்கியுள்ளது. அதனால், படம் மீதான இமேஜ் குறைந்துவிட்டது.

இந்நிலையில் இந்த இரண்டு படங்களின் தெலுங்கு டப்பிங்கும் ஜனவரி 26ம் தேதி வெளியாக உள்ளது. தமிழில் வெளியான போதே அப்படங்களைத் தெலுங்கில் வெளியிட திட்டமிட்டிருந்தார்கள். ஆனால், நேரடி தெலுங்குப் படங்களுக்குத்தான் முக்கியத்துவம் தர வேண்டும் என அங்கு சர்ச்சை எழுந்தது. அதனால், இந்த இரண்டு படங்களின் வெளியீடும் தள்ளி வைக்கப்பட்டுள்ளது.

இரண்டு படங்களுக்கும் தமிழில் என்ன மாதிரியான 'ரிசல்ட்' என்பது தெலுங்கு ரசிகர்களுக்கும் தெரிந்திருக்கும். இருப்பினும் அங்கு எந்தப் படம் வரவேற்பைப் பெறப் போகிறது என தனுஷ் ரசிகர்களும், சிவகார்த்திகேயன் ரசிகர்களும் ஆவலுடன் காத்திருக்கிறார்கள். தெலுங்கில் இந்த இரண்டு படங்களும் ஓடும் நேரம், தமிழை விட சில நிமிடங்கள் குறைக்கப்பட்டுள்ளது.

• 
  ஹிந்தியில் மீண்டும் தடம் பதிப்பாரா தனுஷ்?
• 
  சினிமா டூ அரசியல் : பாலிவுட்டின் ‛ஹீ மேன்' தர்மேந்திராவின் வாழ்க்கை ...
• 
  ஹிந்தி நடிகர் தர்மேந்திரா காலமானார்
• 
  4 வருடங்களுக்கு பிறகு வெளியானது 'பேமிலி மேன் 3'
• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...

• 
  நான் கார்த்தியின் தீவிர ரசிகை : கிர்த்தி ஷெட்டி
• 
  இன்னும் 50 நாள் : பராசக்தி புதிய போஸ்டர் வெளியீடு
• 
  ஆர்யன் படம் வருகிற 28-ல் நெட்பிளிக்சில் வெளியாகிறது
• 
  ஜாய் கிறிஸ்டில்லாவுக்கு எதிராக மாதம்பட்டி ரங்கராஜ் தொடுத்த வழக்கை ...
• 
  சிம்பு கதையில் ரஜினியா...