Dinamalar

பெண்கள் நன்றாக இருந்தால் சமூகம் நன்றாக இருக்கும் : நயன்தாரா

பொதுவாக நயன்தாரா தான் நடிக்கும் படங்களின் நிகழ்ச்சி உள்பட எந்த பொது நிகழ்ச்சியிலும் கலந்து கொள்ள மாட்டார். அதிக பணம் கிடைக்கும் கடைத் திறப்பு விழாக்களில் கலந்து கொள்வார். சமீபகாலமாக தான் தொடங்கியுள்ள சில வியாபார நிறுவனங்களின் புரமோசன் நிகழ்ச்சியில் பங்கேற்று வருகிறார்.

அந்த வைகையில் தான் தொடங்கி உள்ள வியாபாரத்தின் புரமோசன் நிகழ்ச்சி ஒன்றை சேலம் மாவட்டம் சங்ககிரியில் உள்ள ஒரு பெண்கள் கல்லூரியில் நடத்தினார். அந்த நிகழ்ச்சியில் அவர் பேசியதாவது:

இதுவரை நான் நாப்கின் பற்றி பேசியது கிடையாது. ஆனால் இன்று இந்த விழாவில் இவ்வளவு ஆண்கள், பெண்களுக்கு மத்தியில் நாப்கின் பற்றி பேசுகிறேன் என்றால், அதுவே பெரிய மாற்றம்தான். பல பெண்களுக்கு மாதவிடாய் பற்றிய விழிப்புணர்வு இன்னும் இல்லை. அவர்களும் விழிப்புணர்வு பெற வேண்டும். இந்த தொழில் மூலம் லாபம் வருவது சுயநலம்தான் என்றாலும், அதில் பெண்களுக்கான பொதுநலம் கலந்து இருக்கிறது. பெண்கள் நன்றாக இருந்தால் சமூகம் நன்றாக இருக்கும்.

எனக்கு பின்னால் என்னுடைய கணவர் விக்னேஷ் சிவன் உள்ளார். அவரை நான் சந்தித்தது முதல் எனக்கு துணையாகவே உள்ளார். என்னை யாரும் கேள்வி கேட்கவில்லை என்றால் அதுதான் எனக்கு பெரிய விஷயம் என நினைத்து இருந்தேன். ஆனால் எந்தவொரு செயலாக இருந்தாலும், இதோடு ஏன் நிறுத்தி விட்டீர்கள். இதை நீங்கள் ஏன் செய்யவில்லை. நான் செய்யும் விஷயங்களை இன்னும் நல்லா செய்யலாமே என்று என்னிடம் கேட்பவர்தான் என்னுடைய கணவர். ஒவ்வொரு ஆணின் வெற்றிக்கு பின்னால் ஒரு பெண் உள்ளது போல், சாதித்த ஒவ்வொரு பெண்ணுக்கு பின்னாலும், மகிழ்ச்சியாக வாழும் ஒவ்வொரு பெண்ணுக்கு பின்னாலும் ஒரு ஆண் கண்டிப்பாக இருப்பார்.

இவ்வாறு அவர் பேசினார்.

• 
  நான் இன்னமும் என்னை ஒரு நடிகராகவே கருதுகிறேன் : அமீர்கான்
• 
  தேனீ வாயில் புகுந்ததால் கரிஷ்மா முன்னாள் கணவர் மரணம்?
• 
  இரண்டு மனைவிகளுடன் விவகாரத்து : வெளிப்படையாகப் பேசிய அமீர்கான்
• 
  கரிஷ்மா கபூர் முன்னாள் கணவர் திடீர் மரணம்
• 
  'பெங்கால் பைல்ஸ்' என டைட்டில் மாற்றப்பட்ட 'டெல்லி பைல்ஸ்'

• 
  மீண்டும் திரைக்கு வருகிறது அருண் விஜய்யின் “தடையறத் தாக்க”
• 
  விஜய் சேதுபதி படத்தில் சம்யுக்தா
• 
  'தி ராஜா சாப்' டீசர் : தன் முந்தைய சாதனையை முறியடிக்காத பிரபாஸ்
• 
  நா.முத்துக்குமாருக்கு கரும்பு பிடிக்காதது ஏன்
• 
  ஏ.எல்.விஜய் இயக்கத்தில் அடுத்தடுத்து வெளியாக போகும் படங்கள்