மே 31ல் திரைக்கு வரும் கருடன் திரைப்படம் | அரண்மனையில் கலகலப்பு : சுந்தர்.சியின் அடுத்த பிளான் | கல்கி கன்னட உரிமையை கைப்பற்றிய யஷ் பட நிறுவனம் | தோனி சாயலில் பாகுபலி : ஒப்புக்கொண்ட ராஜமவுலி | ரஜினியை சந்தித்த ஆர்டிஎக்ஸ் இயக்குனர் | கதை நாயகன் ஆன தயாரிப்பாளர் | வானத்தைப்போல ஸ்வேதா திருமணம்: காதலரை மணந்தார் | அமெரிக்க திரைப்பட விழாவில் விஜய்சேதுபதி படம் | மும்பை லோகண்ட்வாலா சந்திப்புக்கு ஸ்ரீதேவி பெயர் | எனக்கு உயிர் கொடுத்தவர் விஜயகாந்த் : நினைவிடத்தில் நமீதா உருக்கம் |
விஜய் சேதுபதி நடித்த 'இதற்குத்தானே ஆசைப்பட்டாய் பாலகுமாரா' படத்தை இயக்கிய கோகுல் தற்போது ஆர்ஜே பாலாஜி, சத்யராஜ் நடிக்கும் 'சிங்கப்பூர் சலூன்' படத்தை இயக்கி முடித்துள்ளார். இப்படம் ஜனவரி 25ம் தேதி வெளியாக உள்ளது.
இப்படத்திற்குப் பிறகு விஷ்ணு விஷால் தயாரித்து, நடிக்கும் படத்தை இயக்கப் போகிறார். விஷ்ணு விஷாலின் தயாரிப்பு நிறுவனமான விஷ்ணு விஷால் ஸ்டுடியோஸ் நிறுவனத்தின் 10வது தயாரிப்பாக இப்படம் உருவாக உள்ளது.
“ஒரு 'படாஸ்' என்டர்டெயின்மென்ட்டுடன் இயக்குனர் கோகுலுடன் இணைவது குறித்த அறிவிப்பை வெளியிடுவதில் மிக்க மகிழ்ச்சி. ஒரு அதிகப்படியான ஆக்ஷன், அசத்தலாக அமைந்த, உண்மைக் கதையின் அடிப்படையில் உருவாக உள்ள இப்படத்தின் கதையைக் கேட்டதுமே எதிர்பார்ப்பு அதிகமானது. விரைவில் இப்படத்தை ஆரம்பிக்க உள்ளோம்,” எனக் குறிப்பிட்டுள்ளார்.
விஷ்ணு விஷால் நடித்து கடந்த 2023ம் வருடம் ஒரு படம் கூட வெளியாகவில்லை. 2022ல் அவரது தயாரிப்பு நடிப்பில் வெளிவந்த 'கட்டா குஸ்தி' கலகலப்பான வெற்றிப் படமாக அமைந்தது. அதே வருடம் அவர் நடித்து வெளிவந்த 'எப்ஐஆர்' படமும் வசூல் ரீதியாக வெற்றியைப் பெற்றது.
ரஜினிகாந்த் சிறப்புத் தோற்றத்தில் நடிக்கும் 'லால் சலாம்' படத்தில் இரண்டு கதாநாயகர்களில் ஒருவராக நடித்துள்ளார் விஷ்ணு விஷால். இப்படம் இந்த மாதம் வெளியாகும் என எதிர்பார்க்கப்படுகிறது.