58 வயதில் 3வது பட்டம் பெற்ற நடிகர் முத்துக்காளை

26 டிச, 2023 - 10:53 IST

0 கருத்துகள் கருத்தைப் பதிவு செய்ய

எழுத்தின் அளவு:

தமிழ் சினிமாவின் காமெடி நடிகர் முத்துக்காளை, வடிவேலுவின் குரூப்பில் இணைந்து ஏராளமான படங்களில் காமெடியானாக நடித்துள்ளார். சண்டை கலைஞராக சினிமாவுக்குள் வந்தவர், சண்டைகளில் காமெடியாக நடித்து, பின்னர் காமெடி நடிகராகவே மாறினார். சில படங்களில் சண்டை இயக்குனராகவும் பணியாற்றி உள்ளார்.

படிப்பின் மீது ஆர்வம் கொண்ட முத்துக்காளை, கடந்த 2017ம் ஆண்டு தமிழ்நாடு திறந்த நிலைப் பல்கலைகழகத்தில் பி.ஏ. வரலாறு படித்து தேர்ச்சி பெற்றார். தொடர்ந்து 2019ம் ஆண்டு எம்.ஏ தமிழ் படித்தவர் முதல் வகுப்பில் தேர்ச்சி பெற்று பட்டம் வென்றார். இந்நிலையில், தற்போது இளங்கலை தமிழ் இலக்கியத்தில் முதல் வகுப்பில் தேர்ச்சி பெற்று பட்டம் வென்றுள்ளார். இது இவரது மூன்றாவது பட்டமாகும்.

இதுகுறித்து அவர் கூறும்போது “சொந்த ஊர் ராஜபாளையம், சின்ன வயதில் எனக்கு படிப்பை விட காராத்தேவில்தான் ஆர்வம். 18 வயதில் பிளாக் பெல்ட் வாங்கினேன். அப்படியே சினிமா ஆசையில் சென்னை வந்து, சண்டை கலைஞராக பணியாற்றி, சண்டை இயக்குனராகி அப்படியே நடிகராகிவிட்டேன். ஆனால் என் பெற்றோர்களுக்கு நான் நிறைய படிக்க வேண்டும் என்ற ஆசை இருந்தது. அதனால் படிக்கத் தொடங்கினேன். இப்போது 3 பட்டங்களை பெற்றிருக்கிறேன். அடுத்து முனைவர் பட்டம் பெறும் முயற்சியில் ஈடுபடுவேன்” என்றார்.

Muthukaalai

actormuthukaalai

கருத்துகள் (0) கருத்தைப் பதிவு செய்ய

கலைஞர் நூற்றாண்டு விழா இடம் மாற்றம்

குடும்பத்துடன் கிறிஸ்துமஸ் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய