Dinamalar

பத்து நாள் விடுமுறை நாட்களை 'கோட்டை' விட்ட தமிழ் சினிமா

ஒவ்வொரு வருடமும் சில குறிப்பிட்ட நாட்கள்தான் திரைப்பட வெளியீட்டிற்கான மிகப் பொருத்தமான நாட்களாக இருக்கும். பொங்கல், தமிழ் வருடப் பிறப்பு, கோடை விடுமுறை, தீபாவளி, கிறிஸ்துமஸ் ஆகியவற்றின் போது விடுமுறை நாட்கள் இருக்கும். இப்போது வெளியாகும் எந்தப் படமாக இருந்தாலும் நான்கைந்து நாட்கள் மட்டுமே அதன் அதிகபட்ச வசூல் என்பதால் இந்த விடுமுறை நாட்களைப் பயன்படுத்திக் கொள்ள திரையுலகினர் நினைப்பார்கள்.

ஆனால், இந்த வருட கிறிஸ்துமஸ் மற்றும் அரையாண்டு விடுமுறை நாட்களைப் பயன்படுத்திக் கொள்ள தமிழ்த் திரையுலகம் தவறிவிட்டது. டப்பிங் படங்களான 'சலார்' மற்றும் 'டங்கி' ஆகிய படங்களுக்கு வழிவிட்டு முன்னணி நடிகர்கள் ஒதுங்கிவிட்டார்கள்.

தனுஷ் நடித்த 'கேப்டன் மில்லர்' படத்தை முதலில் டிசம்பர் 15ம் தேதி வெளியிடுவதாக அறிவித்து பின் பொங்கல் வெளியீடு என மாற்றிவிட்டார்கள். 'அயலான்' படத்தை தீபாவளி வெளியீடு என அறிவித்து பின் பொங்கல் வெளியீடு என அறிவித்தார்கள். அவற்றுடன் 'லால் சலாம்' படமும் பொங்கலுக்குப் போட்டியிட உள்ளது. இப்போது பொங்கல் போட்டியிலிருந்தும் 'லால் சலாம்' விலகலாம் என்ற செய்தி பரவி வருகிறது.

இந்தப் படங்களில் ஏதாவது ஒரு படத்தை இந்த கிறிஸ்துமஸ் விடுமுறை நாட்களில் வெளியிட திட்டமிட்டிருந்தால் பெரிய போட்டிகள் இல்லாமல் வசூலைப் பார்த்திருக்கலாம். பொங்கல் வரையிலும் அடுத்த சில வாரங்களுக்கு தமிழ் சினிமாவில் குறிப்பிடும்படியான படங்கள் வெளிவர வாய்ப்பில்லை என்பதால் தியேட்டர்காரர்கள் நிலமைதான் திண்டாட்டமாக உள்ளது.

• 
  ‛சூ ப்ரம் சோ' கன்னட படத்தை ஹிந்தியில் ரீமேக் செய்ய விரும்பும் அஜய் ...
• 
  300 கோடி வசூல் கடந்தும் நஷ்டத்தை சந்திக்கும் 'வார் 2'
• 
  ஷாருக்கான் மகன் டைரக்ஷனில் சிறப்பு தோற்றத்தில் சல்மான்கான், ரன்வீர் சிங்
• 
  டிரோல்களுக்கு ஜான்வி கபூர் கொடுத்த விளக்கம்
• 
  அழகுக்கு அனன்யா பாண்டே தரும் ‛டிப்ஸ்'

• 
  ‛காஞ்சனா 4' படத்திற்கு பிறகு தமிழ் சினிமாவில் என்னை தேடுவார்கள் : நோரா ...
• 
  ‛கஜினி' சிக்ஸ்பேக்கிற்கு அஜித் தான் காரணம் : ஏ.ஆர்.முருகதாஸ் தகவல்
• 
  சன்னி லியோன் நடித்த படத்தின் மூன்றாம் பாகத்தில் தமன்னா
• 
  ஜனநாயகன் இசை விழாவில் கலந்து கொள்ள ரஜினி, கமலுக்கு அழைப்பா?
• 
  '18 மைல்ஸ் தாரணா' : ‛பேச்சுலர்' இயக்குனரின் அடுத்த பட அப்டேட்