மூன் வாக் நடனத்தில் சோனாக்ஷி சின்கா

பாப் இசை உலகின் மன்னன், மறைந்த, மைக்கேல் ஜாக்சனின் நடனத்தை பார்த்து, வியந்தவர்களுக்கு, அவரது, "மூன் வாக் டான்ஸ் பற்றி நிச்சயம் தெரிந்திருக்கும். அவரது இந்த நடனம், மிகவும் பிரபலம். அவருக்கு பின், ஏராளமான நடிகர்கள், இதுபோன்ற நடனத்தை ஆடியிருந்தாலும், அவ்வளவாக எடுபடவில்லை.நம் நாட்டிலும், தெலுங்கு நடிகர் மகேஷ் பாபு, ஒரு படத்தில், இதுபோல் ஆடியிருந்தார். இப்போது, சோனாக்ஷி சின்காவின் முறை.

அஜய் தேவ்கன் - தமன்னா நடித்துள்ள,"ஹிம்மத்வாலா படத்தில், "தேங்க்ஸ் காட் எனத் துவங்கும், ஒரு குத்துப் பாடலுக்கு நடனமாடியுள்ளார், சோனாக்ஷி. இந்த பாடலில் தான், மைக்கேல் ஜாக்சனின்,புகழ் பெற்ற, "மூன் வாக் நடனத்தையும், ஆடியுள்ளாராம், அவர்.இந்த நடனத்துக்கான படப் பிடிப்பின்போது, துவக்கத்தில் சரியாக நடனமாட முடியாமல் திணறியிருக்கிறார், சோனாக்ஷி. "கொஞ்சம் ரிலாக்சாக நடனமாடுங்கள் என, இயக்குனர் கூறியதும், சிறிது நேரம் ஓய்வெடுத்து விட்டு வந்து, மைக்கேல் ஜாக்சன் போல் வெளுத்து வாங்கினாராம், சோனாக்ஷி.