ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் | வாக்காளர் பட்டியலில் மமிதா பைஜூ பெயர் நீக்கம் | காதலரின் புகைப்படங்களை நீக்கிய ஸ்ருதிஹாசன் : முடிவுக்கு வந்ததா காதல்? | ஜூலை மாதத்தில் வெளியாகும் ராயன் | சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் மலையாள நடிகர் |
விஜய் நடிப்பில் கடந்த ஜனவரி மாதம் வெளிவந்த திரைப்படம் வாரிசு. இந்தபடம் தனியாக ரிலீசாகி இருந்தால் கண்டிப்பாக பாக்ஸ் ஆபிஸ் வசூல் தயாரிப்பாளருக்கு பெரும் லாபம் கிடைத்திருக்கும். ஆனால், துணிவு படத்துடன் வெளிவந்ததால், இரு திரைப்படங்களுக்கும் இடையே கடுமையான போட்டி நிலவியது. இதனால் வாரிசு படத்தின் வசூல் குறைந்தது. இருப்பினும் துணிவு படத்தை விட கூடுதல் வசூலித்தது.
இப்போது விஜய் நடிப்பில் அடுத்ததாக வெளிவரவிருக்கும் திரைப்படம் லியோ. லோகேஷ் கனகராஜ் இயக்கும் இந்தபடத்தில் விஜய் உடன் திரிஷா, சஞ்சய் தத், பிரியா ஆனந்த், கவுதம் மேனன் உள்ளிட்ட ஏகப்பட்ட நட்சத்திரங்கள் நடிக்கின்றனர். காஷ்மீரில் படப்பிடிப்பு நடந்து முடிந்துள்ளது. இப்படம் வருகிற அக்டோபர் மாதம் வெளியாகிறது என ஏற்கனவே அதிகாரப்பூர்வமாக அறிவித்துவிட்டனர்.
இந்நிலையில் அக்டோபர் மாதம் வெளிவரும் லியோ படத்தை தொடர்ந்து அடுத்த இரு வாரங்களில் கமல்ஹாசனின் இந்தியன் 2 திரைப்படம் வெளியாகிறதாம். அதேப்போல் ஹிந்தியில் அட்லீயின் ஜவான் திரைப்படமும் அக்டோபர் மாதம் வெளிவருவதற்கு அதிக வாய்ப்புகள் உள்ளது எனவும் தகவல் வெளியாகியுள்ளது.
இதனால் மீண்டும் கண்டிப்பாக விஜய் படத்தின் வசூல் குறைவதற்கு வாய்ப்புகள் உண்டு என பாக்ஸ் ஆபிஸ் வட்டாரங்கள் தெரிவிக்கின்றன.