Dinamalar

தமிழில் 34 ஆண்டுகளுக்குப் பிறகு நடிக்க வரும் ஜீவிதா

டி.ராஜேந்தர் இயக்கத்தில் 1984ம் ஆண்டு வெளிவந்த 'உறவைக் காத்த கிளி' படத்தில் நடிகையாக அறிமுகமானவர் ஜீவிதா. தொடர்ந்து 'செல்வி, நானே ராஜா நானே மந்திரி, இளமை, இது எங்கள் ராஜ்ஜியம், ஆயிரம் கண்ணுடையாள், பாடும் பறவைகள், சோறு, தர்மபத்தினி, ராஜ மரியாதை, ஏட்டிக்கு போட்டி, இனி ஒரு சுதந்திரம், தப்புக்கணக்கு” உள்ளிட்ட பல படங்களில் நடித்தவர். தெலுங்கில் அறிமுகமாகி அங்கும் சில படங்களில் நடித்து பிரபலமானார்.

நடிகர் டாக்டர் ராஜசேகரைக் காதல் திருமணம் செய்து கொண்டபின் சினிமாவில் நடிப்பதை முழுமையாக நிறுத்தினார். பத்து ஆண்டுகளுக்குப் பிறகு தமிழில் பெரும் வரவேற்பைப் பெற்ற 'சேது' படத்தை தெலுங்கில் 'சேஷு' என்ற பெயரில் ரீமேக் செய்து இயக்குனராக அறிமுகமானார். தொடர்ந்து படங்களை இயக்கியும், தயாரித்தும் வந்தார்.

தமிழில் கடைசியாக 1988ல் வெளிவந்த 'வளைகாப்பு' என்ற படத்தில் நடித்தார். அதற்குப் பின் 34 ஆண்டுகளுக்குப் பிறகு தற்போது 'லால் சலாம்' படத்தில் நடிக்க உள்ளார். இப்படத்தின் படப்பிடிப்பில் மார்ச் 7 முதல் ஜீவிதா கலந்து கொண்டு நடிக்க இருக்கிறார். ஐஸ்வர்யா ரஜினிகாந்த் இயக்கும் இப்படத்திற்கு ஏஆர் ரஹ்மான் இசையமைக்கிறார். ரஜினிகாந்த் சிறப்புத் தோற்றத்தில் நடிக்க, விஷ்ணு விஷால், விக்ராந்த் கதாநாயகர்களாக நடிக்கிறார்கள். படத்தில் ரஜினிகாந்த்தின் தங்கையாக முக்கிய கதாபாத்திரத்தில் ஜீவி நடிக்க இருக்கிறாராம்.

• 
  ‛சூ ப்ரம் சோ' கன்னட படத்தை ஹிந்தியில் ரீமேக் செய்ய விரும்பும் அஜய் ...
• 
  300 கோடி வசூல் கடந்தும் நஷ்டத்தை சந்திக்கும் 'வார் 2'
• 
  ஷாருக்கான் மகன் டைரக்ஷனில் சிறப்பு தோற்றத்தில் சல்மான்கான், ரன்வீர் சிங்
• 
  டிரோல்களுக்கு ஜான்வி கபூர் கொடுத்த விளக்கம்
• 
  அழகுக்கு அனன்யா பாண்டே தரும் ‛டிப்ஸ்'

• 
  ‛காஞ்சனா 4' படத்திற்கு பிறகு தமிழ் சினிமாவில் என்னை தேடுவார்கள் : நோரா ...
• 
  ‛கஜினி' சிக்ஸ்பேக்கிற்கு அஜித் தான் காரணம் : ஏ.ஆர்.முருகதாஸ் தகவல்
• 
  சன்னி லியோன் நடித்த படத்தின் மூன்றாம் பாகத்தில் தமன்னா
• 
  ஜனநாயகன் இசை விழாவில் கலந்து கொள்ள ரஜினி, கமலுக்கு அழைப்பா?
• 
  '18 மைல்ஸ் தாரணா' : ‛பேச்சுலர்' இயக்குனரின் அடுத்த பட அப்டேட்