Dinamalar

ரஜினி படங்கள், கின்னஸ் சாதனை படத்தை எடுத்த தயாரிப்பாளர் காலமானார்

ரஜினி நடித்த ‛காளி, கர்ஜனை', கின்னஸில் இடம் பெற்ற ‛சுயம்வரம்' படங்களை எடுத்த தயாரிப்பாளர் ஹேம்நாத் பாபுஜி (76) உடல்நலக் குறைவால் காலமானார். உடல்நலம் பாதிக்கப்பட்டு சென்னை, மருத்துவமனையில் அனுமதிக்கப்பட்டு இருந்த அவர் சிகிச்சை பலன் இன்றி இன்று(பிப்., 7) காலை உயிரிழந்தார்.

ரஜினி நடித்த காளி, கர்ஜனை படங்களை தயாரித்தவர் கிரிதாரிலால் நாக்பால் என்றழைக்கப்படும் ஹேம்நாத் பாபுஜி. தென்னிந்திய திரைப்படம், டிவி தயாரிப்பாளர் சங்கம் எனப்படும் கில்டு அமைப்பின் தலைவராகவும் இவர் பதவி வகித்துள்ளார். மேலும் 14 இயக்குனர்கள் முன்னணி நடிகர்கள் நடித்து 24 மணிநேரத்தில் உருவாகி கின்னஸ் சாதனை படைத்த ‛சுயம்வரம்' படத்தையும் இவர் தான் தயாரித்தார் என்ற பெருமைக்குரியவர். மேலும் பல்வேறு படங்களில் குணச்சித்ர வேடங்களிலும் இவர் நடித்துள்ளார்.

சென்னை கீழ்ப்பாக்கம் பகுதியில் அடுக்குமாடி குடியிருப்பு ஒன்றில் இவர் வசித்து வந்தார். உடல்நலம் பாதிக்கப்பட்டு மருத்துவமனையில் சிகிச்சை பெற்ற நிலையில் இன்று காலை அவரது உயிர் பிரிந்தது.

கடந்த சில நாட்களில் கே விஸ்வநாத், வாணி ஜெயராம், டிபி கஜேந்திரன் ஆகியோர் மறைந்த நிலையில் இன்று இவரின் மறைவு திரையுலகினர் இடையே சோகத்தில் ஆழ்த்தியுள்ளது.

• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்

• 
  துல்கர் சல்மானுக்கு ஜோடியாக நடிக்க 3 கோடி சம்பளம் வாங்கிய பூஜா ஹெக்டே!
• 
  புகழ்ச்சியை தலையில் ஏற்றிக் கொள்ள மாட்டேன்! : கல்யாணி பிரியதர்ஷன்
• 
  விஜய்யின் தந்தை இயக்குனர் எஸ்.ஏ.சி.,யை டென்ஷன் ஆக்கிய கேள்வி!
• 
  சிம்புவின் ‛அரசன்' படத்தில் இடம் பெறும் மூன்று முன்னணி நடிகைகள்!
• 
  நாகார்ஜுனாவின் 100வது படத்தில் இணையும் நாகசைதன்யா - அகில்