விமரிசையாக நடந்த பூர்ணாவின் வளைகாப்பு

31 ஜன, 2023 - 01:17 IST

0 கருத்துகள் கருத்தைப் பதிவு செய்ய

எழுத்தின் அளவு:

தமிழில் பரத் நடித்த முனியாண்டி விலங்கியல் மூன்றாமாண்டு என்கிற படத்தில் கதாநாயகியாக அறிமுகமானவர் மலையாள நடிகை பூர்ணா. மலையாளத்தில் ஷாம்னா காசிம் என்ற பெயரில் நடித்து வருகிறார். தமிழில் பல படங்களில் துணிச்சலான நெகடிவ் கதாபாத்திரங்களில் நடித்து ரசிகர்களிடம் வரவேற்பை பெற்ற இவர், தமிழ் திரையுலகில் நுழைந்த சமயத்திலேயே நடிகர் விஜய்யால் குட்டி அசின் என பாராட்டப்பட்டவர். கடந்த இரண்டு வருடங்களுக்கு முன்பு திருமண மோசடி கும்பலிடம் சிக்கிய பூர்ணா, கடைசி நேரத்தில் அவர்களிடம் இருந்து தப்பித்த நிகழ்வு பரபரப்பை ஏற்படுத்தியது.

அந்த அதிர்ச்சியில் இருந்து ஒருவழியாக மீண்டு கடந்த ஜூன் மாதம் துபாயில் வசிக்கும் ஷானித் ஆசிப் அலி என்பவரை திருமணம் செய்து கொண்டார் பூர்ணா. இந்த நிலையில் கடந்த டிசம்பர் மாதம் தான் கர்ப்பமாக இருப்பதாக சந்தோஷமான செய்தியை தனது நண்பர்களுடன் கொண்டாடி அதை தனது யுடியூப் சேனலில் வீடியோவாக வெளியிட்டார் பூர்ணா. இந்த நிலையில் அவரது வளைகாப்பு நிகழ்ச்சி தற்போது குடும்ப உறவினர்கள், நண்பர்கள் கலந்துகொள்ள இனிதே நடைபெற்றுள்ளது. அந்த நிகழ்வு குறித்த புகைப்படங்களையும் தற்போது பூர்ணா பகிர்ந்து கொண்டுள்ளார்.

Actresspoorna

கருத்துகள் (0) கருத்தைப் பதிவு செய்ய

சத்தம் இல்லாமல் பாலிவுட் படத்தில் ...

தமிழுக்கு ஹீரோவாக வரும் தெலுங்கு ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய