Dinamalar

அஜித் வராமல் இப்படி ஒரு முன்பதிவா? - 'துணிவு' ஆச்சரியம்

2023ம் ஆண்டில் தமிழ் சினிமாவின் பெரும் வெளியீடாக நாளை அஜித் நடித்துள்ள 'துணிவு', விஜய் நடித்துள்ள 'வாரிசு' ஆகிய படங்கள் வெளியாக உள்ளன. இரண்டு படங்களில் 'வாரிசு' படத்திற்கு மட்டுமே இசை வெளியீட்டு நிகழ்ச்சியை சென்னையில் பிரம்மாண்டமாக நடத்தினார்கள். விஜய், ராஷ்மிகா மந்தனா உள்ளிட்ட பல நட்சத்திரங்கள் கலந்து கொண்டு பேசினார்கள். அந்த நிகழ்ச்சியை டிவியிலும் ஒளிபரப்பு செய்தார்கள். நேற்று ஐதராபாத்தில் தெலுங்கு வெளியீடு பற்றி பிரஸ் மீட்டையும் நடத்தினார்கள்.

ஆனால், 'துணிவு' படத்திற்காக எந்த ஒரு இசை வெளியீட்டு நிகழ்ச்சியும், பிரஸ் மீட்டும் நடத்தவேயில்லை. படத்தின் இயக்குனர் வினோத், கதாநாயகி மஞ்சு வாரியர் உள்ளிட்டோர் சில வீடியோ பேட்டிகளை மட்டுமே கொடுத்தார்கள். அவை மட்டும்தான் படத்திற்கான புரமோஷனாக அமைந்தது. இந்நிலையில் 'வாரிசு' படத்தின் அளவிற்கு 'துணிவு' படத்தின் முன்பதிவும் நடப்பது திரையுலகினரை ஆச்சரியப்பட வைத்துள்ளது. தனது ரசிக மன்றங்களை பல ஆண்டுகளுக்கு முன்பே கலைத்துவிட்டார் அஜித். ஆனால், விஜய் சமீபத்தில் கூட அவரது மன்ற நிர்வாகிகளை சந்தித்துப் பேசினார்.

ரசிகர் மன்றம் இல்லாமல், எந்த நிகழ்ச்சியும் நடத்தாமல் ஒரு படத்திற்கு இவ்வளவு வரவேற்பு கிடைக்குமா என்பது 'துணிவு' படம் மூலம் நடந்து வருவது திரையுலகில் தனி கவனம் பெற்றுள்ளது.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  ரசிகர்களின் அன்பை சுயலாபத்திற்காக பயன்படுத்த மாட்டேன்: அஜித்குமார்
• 
  ஏஐ.,யின் உதவியுடன் இசையமைத்த அனிருத்!
• 
  சினிமா துறையில் 33 ஆண்டுகளை நிறைவு செய்த அஜித்குமார்! இயக்குனர் ஆதிக் ...
• 
  ரஜினியின் ‛கூலி' படம் 100 பாட்ஷாவுக்கு சமம் என்கிறார் நாகார்ஜுனா!
• 
  எம்.எஸ். பாஸ்கர், பிரான்க் ஸ்டார் கூட்டணியில் ‛கிராண்ட் பாதர்'!