Dinamalar

'சின்ன கல்லு, பெத்த லாபம்' நடிகர் கைகலா சத்யநாராயணா மரணம்

தெலுங்குத் திரையுலகத்தின் சீனியர் நடிகரான கைகலா சத்யநாராயணா வயது மூப்பு காரணமாக ஐதராபாத்தில் உள்ள தனியார் மருத்துவமனையில் இன்று காலமானார், அவருக்கு வயது 87.

வில்லன், நகைச்சுவை நடிகர், குணச்சித்திர நடிகர் என பல்வேறு தெலுங்குத் திரைப்படங்களில் நடித்தவர் சத்யநாராயணா. அவரது மறைவு தெலுங்குத் திரையுலகினரை அதிர்ச்சிக்குள்ளாக்கி உள்ளது. ஆந்திர மாநிலம் கிருஷ்ணா மாவட்டம் கவுட்டராம் என்ற ஊரில் 1935ம் ஆண்டு பிறந்தவர். 'சிப்பட்டி குத்துரு' என்ற படத்தின் மூலம் தெலுங்குத் திரையுலகத்தில் அறிமுகமானார்.

மறைந்த தெலுங்கு நடிகர் என்டிஆர், சத்யநாராயணாவின் திறமையைக் கண்டறிந்து அவருக்கு வாய்ப்புகளை வழங்கினார். பின்னர் அவர் என்டிஆருக்காக 'டூப்' ஆகவும் கூட நடித்துள்ளார். சுமார் 750க்கும் மேற்பட்ட படங்களில் நடித்தவர், சில படங்களைத் தயாரித்தும் உள்ளார். 2019ம் ஆண்டு வெளிவந்த 'மகரிஷி' திரைப்படம்தான் அவர் நடித்த கடைசிப்படம்.

தமிழில் கமல்ஹாசன், ரம்யாகிருஷ்ணன் மற்றும் பலர் நடிப்பில் வெளிவந்த 'பஞ்ச தந்திரம்' படத்தில் ஸ்ரீமன் மாமனாராக நடித்தவர். 'சின்ன கல்லு பெத்த லாபம்' என்ற வசனம் பேசி படத்தில் கலகலப்பூட்டியவர்.

• 
  ஒவ்வொரு இந்தியன் மீதும் தொடுக்கப்பட்ட தாக்குதல் ; நடிகர் சோனு சூட் வேதனை
• 
  புகை பிடித்தல் மற்றும் மதுவுக்கு எதிரான வாசகங்கள் படம் பார்க்கும் மூடை ...
• 
  ஆக்ஷன் கலந்த துள்ளல் உடன் வெளிவந்துள்ள ‛ஆயா ரே பாபா' பாடல்
• 
  பயங்கரவாத தாக்குதலால் ‛தி பிக் பாலிவுட் ஒன்' நிகழ்ச்சியை தள்ளிவைத்த ...
• 
  டெஸ்ட்டில் விட்டதை கேசரி சாப்டர் 2-வில் பிடிப்பாரா மாதவன்

• 
  யாரிடமும் எளிதில் சிக்க மாட்டேன் : கயாடு லோஹர்
• 
  'கம் பேக்' கொடுக்கப் போகும் லைகா
• 
  மலையாள பட இயக்குனருடன் கைகோர்த்த ஜீவா
• 
  பாண்டிராஜ், விஜய் சேதுபதி படத்திற்கு சந்தோஷ் நாராயணன் இசை
• 
  விஜய்க்காக பின்னணி பாடிய ராப் இசைக் கலைஞர் அனுமான் கைண்ட்