Dinamalar

காசேதான் கடவுளடா பாடல்.... டிரோல்களை ரசித்தேன் என்கிறார் மஞ்சுவாரியர்

நேர்க்கொண்ட பார்வை, வலிமை ஆகிய படங்களுக்குப் பிறகு மீண்டும் அஜித், வினோத், போனி கபூர் கூட்டணியில் உருவாகி உள்ள ஹாட்ரிக் திரைப்படம் ‛துணிவு'. அஜித்தின் 61-வது படமான இதில் நடிகை மஞ்சு வாரியர் நாயகியாக நடிக்க, முக்கிய வேடத்தில் சமுத்திரகனி, ஜி.எம்.சுந்தர், மகாநதி சங்கர், ஜான் கொக்கன் ஆகியோரும் நடித்துள்ளனர். ஜிப்ரான் இசையமைத்துள்ளார்.

வருகிற பொங்கலுக்கு படம் வெளியாக உள்ள நிலையில் சமீபத்தில் முதல் பாடலாக 'சில்லா சில்லா' வெளியாகி வரவேற்பை பெற்றது. தற்போது வரை 20 மில்லியனுக்கு அதிகமானபேர் இந்த பாடலை ரசித்துள்ளனர். நேற்று இதன் இரண்டாவது பாடலான 'காசேதான் கடவுளடா' பாடலை வெளியிட்டனர். பணத்தை முன்னிலைப்படுத்தி துள்ளல் பாடலாக அமைந்துள்ளது. இதை வைசாக், ஜிப்ரான் மற்றும் மஞ்சுவாரியர் இணைந்து பாடி உள்ளனர். 20 மணிநேரத்தில் 44 லட்சத்திற்கும் அதிகமான பார்வைகள் இந்த பாடலுக்கு கிடைத்துள்ளது.

இதனிடையே இந்த பாடலில் மஞ்சுவாரியர் பாடியிருக்கிறார். ஆனால் அவரின் குரல் சரியாக கேட்கவில்லை. கோரஸாக வரும் குரலில் ஆண் குரல் தான் அதிகம் ஒலிக்கிறது. இதை வைத்து அவரை நிறைய பேர் டிரோல் செய்தனர். ஏகப்பட்ட மீம்ஸ்களை போட்டு அவரை டிரோல் செய்தனர்.

இதற்கு பதிலளித்துள்ள மஞ்சுவாரியர், ‛‛இந்த பாடலில் என் குரல் கேட்கவில்லை என்று கவலைப்படுபவர் கவலை பட வேண்டாம். அது வீடியோ பாடலுக்காக ரெக்கார்ட் செய்யப்பட்டு உள்ளது. உங்களது அக்கரைக்கு நன்றி. டிரோல்களை நான் ரசித்தேன்'' என்றார்.

• 
  ஆனந்த்.எல்.ராய் இயக்கத்தில் இணையும் முன்னனி நடிகைகள்
• 
  60 கோடி செலுத்த ஷில்பா ஷெட்டி, ராஜ் குந்த்ராவுக்கு நீதிமன்றம் உத்தரவு
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...

• 
  ஒரே மாதத்தில் திரைக்கு வரும் கிர்த்தி ஷெட்டியின் மூன்று படங்கள்
• 
  100 பேர் வந்தாலும்....! பிரதீப் ரங்கநாதனின் 'டியூட்' படத்தின் டிரைலர் ...
• 
  இம்மாதத்தில் ஓடிடியில் வெளியாகும் 'லோகா, இட்லிகடை'
• 
  500 கோடி வசூலை நோக்கி 'காந்தாரா சாப்டர் 1'
• 
  அரசன் படத்தின் புதிய அப்டேட் : சுதீப் இணைய வாய்ப்பு