Dinamalar

'அவதார் 2' - இந்தியாவில் முதல் நாள் வசூல் எவ்வளவு?

ஜேம்ஸ் கேமரூன் இயக்கத்தில் இந்த ஆண்டின் அதிக எதிர்பார்ப்பை எற்படுத்திய படமாக இருந்த 'அவதார் 2 - த வே ஆப் வாட்டர்' படம் நேற்று உலக அளவில் வெளியானது. இந்தியாவில் ஆங்கிலம், தமிழ், ஹிந்தி, தெலுங்கு, கன்னடம், மலையாளம் என ஆறு மொழிகளில் சுமார் 4000 தியேட்டர்கள் வரை படம் வெளியாகி உள்ளது.

இந்திய அளவில் நேற்றைய முதல் நாள் வசூலாக சுமார் 40 கோடி வந்திருக்கலாம் என முதல் கட்டத் தகவல்கள் தெரிவிக்கின்றன. 'அவஞ்சர்ஸ் என்ட் கேம்' படத்தின் முதல் நாள் வசூலான சுமார் 50 கோடி வசூலைக் கடந்த முடியாமல் 'அவதார் 2' தடுமாறியுள்ளதாகச் சொல்கிறார்கள்.

பட வினியோகத்தில் சதவீத அடிப்படையில் ஏற்பட்ட சிக்கல்கள் காரணமாக பல தியேட்டர்கள் நேற்று இப்படத்தைத் திரையிடாமல் ஒதுங்கிக் கொண்டன. அதன்பின் நடைபெற்ற பேச்சு வார்த்தைகளில் சுமூக முடிவு எட்டப்பட்டு இன்று முதல் சில பல தியேட்டர்களில் படத்தைத் திரையிட முடிவு செய்துள்ளார்களாம்.

முழுக்க முழுக்க விஷுவல் டிரீட் மட்டுமே படத்தில் உள்ளது, கதை பெரிதாக இல்லை என்ற விமர்சனங்கள் படத்திற்கு வந்துள்ளது. பள்ளிகளில் தற்போது அரையாண்டுத் தேர்வு நடைபெற்று வருவதால் குழந்தைகளுடன், குடும்பத்தினர் படத்திற்குப் போக முடியாத நிலை உள்ளது. அடுத்த வார இறுதியில் தேர்வுகள் முடிந்த பின்னர் தான் அவர்கள் போவார்கள். எனவே, இந்த வார வசூல் நிலவரம் எதிர்பார்த்த அளவிற்கு இருக்க வாய்ப்பில்லை என்றே பாக்ஸ் ஆபீஸ் வட்டாரங்கள் தெரிவிக்கின்றன.

• 
  60 கோடி செலுத்த ஷில்பா ஷெட்டி, ராஜ் குந்த்ராவுக்கு நீதிமன்றம் உத்தரவு
• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...

• 
  விஜய் நிதானமாக முடிவெடுக்க வேண்டும்: சிவராஜ்குமார் வேண்டுகோள்
• 
  நயன்தாரா, கவின் நடிக்கும் புதிய படத்தின் டைட்டில் அறிவிப்பு
• 
  திரையுலகில் 22 ஆண்டுகள்: நயன்தாரா நெகிழ்ச்சி
• 
  துல்கர் சல்மானுக்கு ஜோடியாக நடிக்க 3 கோடி சம்பளம் வாங்கிய பூஜா ஹெக்டே!
• 
  புகழ்ச்சியை தலையில் ஏற்றிக் கொள்ள மாட்டேன்! : கல்யாணி பிரியதர்ஷன்