Dinamalar

மிகுந்த எதிர்பார்ப்பிற்கு இடையே உலகம் முழுக்க வெளியானது ‛அவதார் 2'

ஜேம்ஸ் கேமரூன் இயக்கத்தில் 2009ல் வெளியாகி உலகம் முழுக்க வியப்பையும், வசூலையும் குவித்த படம் ‛அவதார்'. கற்பனைக்கும் எட்டாத புதிய உலகத்தை காண்பித்தார் ஜேம்ஸ் கேமரூன். இதன் அடுத்தடுத்த பாகங்கள் உருவாகின்றன. அவதார் படத்தின் இரண்டாம் பாகமான ‛அவதார் தி வே ஆப் வாட்டர்' இன்று(டிச., 16) உலகம் முழுக்க வெளியானது. ரஷ்யாவில் மட்டும் வெளியாகவில்லை.

பெரும் பொருட் செலவில் உருவாகியுள்ள இந்த படம் முதல்பாகத்தை விட இன்னும் பிரமாண்டமாய் தயாராகி உள்ளது. உலகம் முழுக்க 50 ஆயிரத்திற்கும் அதிகமான ஸ்கிரீன்களில் இந்த படம் வெளியாகி உள்ளது. இது ஒரு புதிய சாதனையாக பார்க்கப்படுகிறது. 3 மணி நேரம் 12 நிமிடம் ஓட உள்ள இப்படம் இந்தியாவில் தமிழ், தெலுங்கு, மலையாளம், கன்னடம், ஹிந்தி, ஆங்கிலம் என ஆறு மொழிகளில் 2 டி, 3டி, ஐ மேக்ஸ் 3டி, 3டி ஸ்கிரீன் எக்ஸ், 4டிஎக்ஸ் 30, ஆகிய வடிவங்களில் திரையிடப்பட உள்ளது. 'ஐ மேக்ஸ் 3 டி' வடிவில் படத்தைப் பார்க்கப் பலரும் ஆர்வம் காட்டி உள்ளனர்.

இந்த படம் இன்று வெளியானாலும் ஏற்கனவே அமெரிக்காவில் பிரிமீயர் காட்சிகள் திரையிடப்பட்டு விட்டன. அதில் பாசிட்டிவ்வும், நெகட்டிவ்வும் கலந்து விமர்சனங்கள் வருகின்றன. அதேசமயம் படத்தின் பிரமாண்ட காட்சிகள் விஷூவல் டி-ரீட்டாக உள்ளதாக ரசிகர்கள் பாராட்டி வருகின்றனர். இந்தியாவின் பல மாநிலங்களில் குறிப்பாக தமிழகத்திலும் முன்னணி நடிகர்களின் படங்களுக்கு இணையாக அதிகாலை காட்சிகளும், நள்ளிரவு காட்சிகளும் திரையிடப்பட்டுள்ளன.

‛அவதார் 2' படம் வசூலில் புதிய சாதனையை படைக்கும் என எதிர்பார்க்கப்படுகிறது.

• 
  60 கோடி செலுத்த ஷில்பா ஷெட்டி, ராஜ் குந்த்ராவுக்கு நீதிமன்றம் உத்தரவு
• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...

• 
  விஜய் நிதானமாக முடிவெடுக்க வேண்டும்: சிவராஜ்குமார் வேண்டுகோள்
• 
  நயன்தாரா, கவின் நடிக்கும் புதிய படத்தின் டைட்டில் அறிவிப்பு
• 
  திரையுலகில் 22 ஆண்டுகள்: நயன்தாரா நெகிழ்ச்சி
• 
  துல்கர் சல்மானுக்கு ஜோடியாக நடிக்க 3 கோடி சம்பளம் வாங்கிய பூஜா ஹெக்டே!
• 
  புகழ்ச்சியை தலையில் ஏற்றிக் கொள்ள மாட்டேன்! : கல்யாணி பிரியதர்ஷன்