Dinamalar

‛தில் இருக்குறவன் மட்டும் நில்' - சிரிப்பு காட்டும் ‛நாய் சேகர் ரிட்டர்ன்ஸ்' டிரைலர்

நடிகர் வடிவேலு சிறிய இடைவெளிக்கு பின் மீண்டும் நாயகனாக களமிறங்கி உள்ள படம் ‛நாய் சேகர் ரிட்டர்ன்ஸ்'. ஷிவாங்கி, ஷிவானி நாராயணன், ரெடின் கிங்ஸ்லி, ஆனந்த்ராஜ் உள்ளிட்ட பலர் நடித்துள்ளனர். முழுக்க முழுக்க காமெடி படமாக தயாராகி உள்ளது. சந்தோஷ் நாராயணன் இசையமைத்துள்ளார்.

சமீபத்தில் வடிவேலு பாடிய அப்பத்தா, பணக்காரன் ஆகிய இரண்டு பாடல்கள் இந்த படத்திலிருந்து வெளியாகி ரசிகர்களின் வரவேற்பை பெற்றது. இப்போது டிரைலரை வெளியிட்டுள்ளனர். அதில் விலை உயர்ந்த நாய்களை திருடும் நபராக நாய் சேகராக நடித்துள்ளார் வடிவேலு. அவரது குழுவில் ரெடின் போன்றோரும் இடம் பெற்றுள்ளனர். டிரைலர் ஆரம்பம் முதலே வடிவேலுவின் காமெடி வசனங்களும், அவரது உடல் மொழிகளும் சிரிக்க வைக்கும் விதமாக அமைந்துள்ளது. ‛‛தில் இருக்குறவன் மட்டும் நில், பயப்படுறவன், பம்முறவன் எல்லாம் பறந்து ஓடிடு'' என காமெடியான வசனங்களையும் பேசி உள்ளார் வடிவேலு. டிரைலர் வெளியான இரண்டு மணிநேரத்தில் 3.5 லட்சத்திற்கும் அதிகமான பார்வைகளை பெற்றது.

வருகிற டிச., 9ம் தேதி இந்த படம் திரைக்கு வருகிறது. லைகா நிறுவனம் தயாரித்துள்ள இந்த படம் வடிவேலுவிற்கு மீண்டும் ஒரு கம் பேக் படமாக அமையுமா என்பது இன்னும் ஒரு வாரத்தில் தெரிந்துவிடும்.

• 
  ‛சூ ப்ரம் சோ' கன்னட படத்தை ஹிந்தியில் ரீமேக் செய்ய விரும்பும் அஜய் ...
• 
  300 கோடி வசூல் கடந்தும் நஷ்டத்தை சந்திக்கும் 'வார் 2'
• 
  ஷாருக்கான் மகன் டைரக்ஷனில் சிறப்பு தோற்றத்தில் சல்மான்கான், ரன்வீர் சிங்
• 
  டிரோல்களுக்கு ஜான்வி கபூர் கொடுத்த விளக்கம்
• 
  அழகுக்கு அனன்யா பாண்டே தரும் ‛டிப்ஸ்'

• 
  ‛காஞ்சனா 4' படத்திற்கு பிறகு தமிழ் சினிமாவில் என்னை தேடுவார்கள் : நோரா ...
• 
  ‛கஜினி' சிக்ஸ்பேக்கிற்கு அஜித் தான் காரணம் : ஏ.ஆர்.முருகதாஸ் தகவல்
• 
  சன்னி லியோன் நடித்த படத்தின் மூன்றாம் பாகத்தில் தமன்னா
• 
  ஜனநாயகன் இசை விழாவில் கலந்து கொள்ள ரஜினி, கமலுக்கு அழைப்பா?
• 
  '18 மைல்ஸ் தாரணா' : ‛பேச்சுலர்' இயக்குனரின் அடுத்த பட அப்டேட்