Dinamalar

'கைதி' ஹிந்தி ரீமேக் 'போலா' டீசருக்கு அதிரடி வரவேற்பு

லோகேஷ் கனகராஜ் இயக்கத்தில், சாம் சிஎஸ் இசையமைப்பில், கார்த்தி, நரேன் மற்றும் பலர் நடிப்பில் 2019ல் தமிழில் வெளியான படம் 'கைதி'. வித்தியாசமான படமாக அமைந்து ரசிகர்களின் வரவேற்பைப் பெற்று பெரிய வெற்றியைப் பெற்றது இந்தப் படம்.

தமிழில் படத்தைத் தயாரித்த டிரீம் வாரியர் பிக்சர்ஸ், ஹிந்தியில் டி சீரிஸ், ரிலயன்ஸ் என்டர்டெயின்மென்ட், அஜய் தேவகன் பிலிம்ஸ் ஆகிய நிறுவனங்களுடன் இப்படத்தை இணைந்து தயாரிக்கிறது. அஜய் தேவகன் இயக்கி, கார்த்தி நடித்த கதாபாத்திரத்தில் அவரே நடிக்கிறார்.

இப்படத்தின் டீசர் நேற்று யு டியூபில் வெளியிடப்பட்டது. வெளியான 24 மணி நேரங்களுக்குள் 9 மில்லியன் பார்வைகளைப் பெற்றுள்ளது. அஜய் தேவகன் நடித்து கடந்த வாரம் வெளிவந்த 'த்ரிஷ்யம் 2' படம் சிறப்பாக ஓடி வரும் நிலையில் இந்த 'போலா' டீசருக்கும் ரசிகர்கள் நல்ல வரவேற்பைக் கொடுத்துள்ளனர்.

'கைதி' படத்தின் மையக் கருவை மட்டும் எடுத்துக் கொண்டு ஹிந்தியில் திரைக்கதையை மாற்றி அமைத்துள்ளனர். தமிழில் கதாநாயகி கிடையாது, ஹிந்தியில் தபு கதாநாயகியாக நடிக்கிறார். 'கேஜிஎப் 2' படத்திற்கு இசையமைத்த ரவி பஸ்ரூர் இந்தப் படத்திற்கு இசையமைக்கிறார். இப்படம் 2023 மார்ச் 30ம் தேதி 3 டியில் வெளியாகிறது.

• 
  இன்னும் 50 நாள் : பராசக்தி புதிய போஸ்டர் வெளியீடு
• 
  ஆர்யன் படம் வருகிற 28-ல் நெட்பிளிக்சில் வெளியாகிறது
• 
  ஜாய் கிறிஸ்டில்லாவுக்கு எதிராக மாதம்பட்டி ரங்கராஜ் தொடுத்த வழக்கை ...
• 
  சிம்பு கதையில் ரஜினியா...
• 
  ஆண் பாவத்திற்கு பொல்லாதது பின் தமிழ் சினிமா நிலைமை பாவம்

• 
  ஹிந்தியில் மீண்டும் தடம் பதிப்பாரா தனுஷ்?
• 
  சினிமா டூ அரசியல் : பாலிவுட்டின் ‛ஹீ மேன்' தர்மேந்திராவின் வாழ்க்கை ...
• 
  ஹிந்தி நடிகர் தர்மேந்திரா காலமானார்
• 
  4 வருடங்களுக்கு பிறகு வெளியானது 'பேமிலி மேன் 3'
• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...