Dinamalar

'ரஞ்சிதமே….' ஏற்கெனவே பலர் பயன்படுத்திய சந்தம் தான் : பாடலாசிரியர் விவேக் தகவல்

வம்சி பைடிப்பள்ளி இயக்கத்தில், தமன் இசையமைப்பில், விவேக் எழுதிய 'வாரிசு' படத்தின் முதல் சிங்கிளான 'ரஞ்சிதமே…' பாடல் சமீபத்தில் வெளியிடப்பட்டது. அது ஏற்கெனவே வெளிவந்த பல பாடல்களின் காப்பி தான் என சமூக வலைத்தளங்களில் ரசிகர்கள் மீம் வீடியோக்களை பரப்பி வைரலாக்கினர். குறிப்பாக 'உளவாளி' படத்தில் இடம் பெற்ற 'மொச்சைக் கெட்ட பல்லழகி' என்ற பாடலின் அப்பட்டமான காப்பி என்றார்கள். இருப்பினும் 'ரஞ்சிதமே…' பாடல் யு டியூபில் 40 மில்லியன் பார்வைகளைக் கடந்து விஜய்யின் சூப்பர் ஹிட் பாடல்கள் வரிசையில் சேர்ந்துவிட்டது.

இந்நிலையில் இப்பாடல் காப்பியா என்பது குறித்த கேள்விக்கு, பாடலை எழுதிய விவேக் சமீபத்திய பேட்டி ஒன்றில் பதிலளித்துள்ளார். “படத்தில் வரும் போது 'மொச்சைக் கொட்ட பல்லழகி…' பாடலை பாடிய ஒரு சீன் வந்த பிறகுதான்…'ரஞ்சிதமே..' பாடல் படத்தில் வருகிறது. அந்தப் பாடலுக்கான கிரெடிட்டை படத்திலேயே கொடுத்திருக்கிறோம்,” என்று தெரிவித்துள்ளார். மேலும், நாட்டுப் புற இசையிலிருந்து வந்த பாடல் இது என்றும் அதைப் போன்ற சந்தத்தில் இதற்கு முன்பு தஞ்சாவூரு மண்ணெடுத்து தாலி ஒண்ணு செய்யச் சொன்னேன், மக்கக் கலங்குதப்பா….., என்னமோ பண்ணலாம்... டிஸ்கோவுக்குப் போகலாம்….எனப் பாடல்கள் வந்துள்ளன என்றும் கூறியுள்ளார்.

ஒரு நாட்டுப்புறப் பாடலிலிருந்து எடுத்து பலர் இந்தப் பாடலைப் பயன்படுத்தி இருக்கிறார்கள் என்பதை சொல்லாமல் சொல்லியிருக்கிறார். ரசிகர்கள் அது போன்ற பாடலை இப்போதும் தேடி எடுத்து சமூக வலைத்தளங்களில் பதிவிட்டு வருகிறார்கள்.

• 
  ‛சூ ப்ரம் சோ' கன்னட படத்தை ஹிந்தியில் ரீமேக் செய்ய விரும்பும் அஜய் ...
• 
  300 கோடி வசூல் கடந்தும் நஷ்டத்தை சந்திக்கும் 'வார் 2'
• 
  ஷாருக்கான் மகன் டைரக்ஷனில் சிறப்பு தோற்றத்தில் சல்மான்கான், ரன்வீர் சிங்
• 
  டிரோல்களுக்கு ஜான்வி கபூர் கொடுத்த விளக்கம்
• 
  அழகுக்கு அனன்யா பாண்டே தரும் ‛டிப்ஸ்'

• 
  ‛காஞ்சனா 4' படத்திற்கு பிறகு தமிழ் சினிமாவில் என்னை தேடுவார்கள் : நோரா ...
• 
  ‛கஜினி' சிக்ஸ்பேக்கிற்கு அஜித் தான் காரணம் : ஏ.ஆர்.முருகதாஸ் தகவல்
• 
  சன்னி லியோன் நடித்த படத்தின் மூன்றாம் பாகத்தில் தமன்னா
• 
  ஜனநாயகன் இசை விழாவில் கலந்து கொள்ள ரஜினி, கமலுக்கு அழைப்பா?
• 
  '18 மைல்ஸ் தாரணா' : ‛பேச்சுலர்' இயக்குனரின் அடுத்த பட அப்டேட்