Dinamalar

காதல் படத்தில் அரசியல்வாதியாக நடிக்கும் மம்முட்டி

மலையாளத்தில் கடந்த வருடம் வெளியாகி விமர்சன ரீதியாக மிகப்பெரிய வரவேற்பை பெற்ற தி கிரேட் இந்தியன் கிச்சன் என்கிற படத்தை இயக்கியவர் இயக்குனர் ஜியோ பேபி. அந்த படத்தை தொடர்ந்து அடுத்ததாக தற்போது மம்முட்டி நடிக்கும் படத்தை இயக்கி வருகிறார். இந்த படத்தில் கதாநாயகியாக நடிப்பதன் மூலம் நீண்ட இடைவெளிக்கு பிறகு மலையாளத்தில் அடியெடுத்து வைத்துள்ளார் நடிகை ஜோதிகா. இந்த படத்தில் அவர் மம்முட்டியின் மனைவியாக நடிக்கிறார். இந்த படத்திற்கு 'காதல் ; தி கோர்' என டைட்டில் வைக்கப்பட்டுள்ளது.

கிட்டத்தட்ட 70 வயதைத் தாண்டிய மம்முட்டி நடிக்கும் படத்திற்கு இப்படி ஒரு டைட்டிலா என பலரும் தங்கள் ஆச்சர்யத்தை வெளிப்படுத்தி வருகின்றனர். இந்த நிலையில் மம்முட்டி அரசியல்வாதி கெட்டப்பில் இருக்கும் பிளக்ஸ் பேனர்கள் கேரளாவில் பல இடங்களில் வைக்கப்பட்டு திடீரென பரபரப்பை ஏற்படுத்தின. அதன்பின் அதை உற்று கவனிக்கும்போதுதான் அந்த போஸ்டரில் அந்த படத்தில் மேத்யூ தேவசி என்கிற அவரது கதாபாத்திர பெயரும் குறிப்பிடப்பட்டு இருந்தது தெரியவந்தது. ஆம் இந்தப்படத்தில் இடதுசாரி அரசியல்வாதியாக நடிக்கிறார் மம்முட்டி. அதுமட்டுமல்ல இந்த படத்தில் அவர் போட்டியிடும் சின்னமாக டார்ச்லைட் ஒதுக்கப்பட்டுள்ளது.

• 
  ‛சூ ப்ரம் சோ' கன்னட படத்தை ஹிந்தியில் ரீமேக் செய்ய விரும்பும் அஜய் ...
• 
  300 கோடி வசூல் கடந்தும் நஷ்டத்தை சந்திக்கும் 'வார் 2'
• 
  ஷாருக்கான் மகன் டைரக்ஷனில் சிறப்பு தோற்றத்தில் சல்மான்கான், ரன்வீர் சிங்
• 
  டிரோல்களுக்கு ஜான்வி கபூர் கொடுத்த விளக்கம்
• 
  அழகுக்கு அனன்யா பாண்டே தரும் ‛டிப்ஸ்'

• 
  ‛காஞ்சனா 4' படத்திற்கு பிறகு தமிழ் சினிமாவில் என்னை தேடுவார்கள் : நோரா ...
• 
  ‛கஜினி' சிக்ஸ்பேக்கிற்கு அஜித் தான் காரணம் : ஏ.ஆர்.முருகதாஸ் தகவல்
• 
  சன்னி லியோன் நடித்த படத்தின் மூன்றாம் பாகத்தில் தமன்னா
• 
  ஜனநாயகன் இசை விழாவில் கலந்து கொள்ள ரஜினி, கமலுக்கு அழைப்பா?
• 
  '18 மைல்ஸ் தாரணா' : ‛பேச்சுலர்' இயக்குனரின் அடுத்த பட அப்டேட்