Dinamalar

இன்று ஒரே ரிலீஸ், அடுத்த வாரம் கடும் போட்டி

தீபாவளிக்குப் பிறகு எப்போதுமே படங்களின் வெளியீட்டில் ஒரு தேக்கம் ஏற்படும். குறிப்பாக மழைக்காலம் என்பதால் அதிகமான படங்கள் வெளியாகாது. அதற்குப் பிறகு கிறிஸ்துமஸ் விடுமுறையில்தான் படங்களை வெளியிட பலரும் முன் வருவார்கள். ஆனால், கடந்த இரண்டு ஆண்டுகளாக கொரோனா தாக்கத்தால் படங்களின் வெளியீட்டில் நிறைய மாற்றங்கள் ஏற்பட்டு வருகிறது. கிடைக்கும் இடைவெளியில் தங்களது படங்களை வெளியிட்டுவிட தயாரிப்பாளர்கள் முயற்சித்து வருகிறார்கள்.

கடந்த வாரம் தீபாவளியை முன்னிட்டு 'சர்தார், பிரின்ஸ்' படங்கள் ஆகிய இரண்டு படங்கள் மட்டுமே வெளிவந்தன. அதற்கு முன் வெளியாகிய 'பொன்னியின் செல்வன், காந்தாரா' படங்கள் குறிப்பிட்ட அளவில் தியேட்டர்களில் ஓடிக் கொண்டிருக்கின்றன. தீபாவளி வெளியீடுகள் வெளிவந்து இன்றுடன் ஒரு வாரம் ஆகிவிட்ட நிலையில் இன்று வெள்ளிக்கிழமை 'காலங்களில் அவள் வசந்தம்' என்ற, ஒரே ஒரே படம் மட்டுமே வெளியாகி உள்ளது.

அதே சமயம் அடுத்த வாரம் நவம்பர் 4ம் தேதி “லவ் டுடே, காபி வித் காதல், நித்தம் ஒரு வானம்' ஆகிய மீடியம் பட்ஜெட் படங்கள் வெளியாக உள்ளதாக அறிவிக்கப்பட்டுள்ளன. இவற்றில் 'லவ் டுடே, காபி வித் காதல்' படங்களை உதயநிதி ஸ்டாலினின் ரெட் ஜெயன்ட் மூவிஸ் நிறுவனம் வெளியிடுகிறது.

தற்போது தியேட்டர்களில் ஓடிக் கொண்டிருக்கும் தீபாவளி படங்கள், தீபாவளிக்கு முன்பு வெளிவந்த படங்கள் நவம்பர் 3 வரை தாக்குப் பிடிக்க முடியும். எனவே, நவம்பர் 4 அன்று வெளியாகும் படங்களுக்கு நல்ல தியேட்டர்கள் கிடைக்கலாம். மேலும், சில படங்கள் அன்றைய போட்டியில் சேரவும் வாய்ப்புண்டு.

• 
  ‛சூ ப்ரம் சோ' கன்னட படத்தை ஹிந்தியில் ரீமேக் செய்ய விரும்பும் அஜய் ...
• 
  300 கோடி வசூல் கடந்தும் நஷ்டத்தை சந்திக்கும் 'வார் 2'
• 
  ஷாருக்கான் மகன் டைரக்ஷனில் சிறப்பு தோற்றத்தில் சல்மான்கான், ரன்வீர் சிங்
• 
  டிரோல்களுக்கு ஜான்வி கபூர் கொடுத்த விளக்கம்
• 
  அழகுக்கு அனன்யா பாண்டே தரும் ‛டிப்ஸ்'

• 
  ‛காஞ்சனா 4' படத்திற்கு பிறகு தமிழ் சினிமாவில் என்னை தேடுவார்கள் : நோரா ...
• 
  ‛கஜினி' சிக்ஸ்பேக்கிற்கு அஜித் தான் காரணம் : ஏ.ஆர்.முருகதாஸ் தகவல்
• 
  சன்னி லியோன் நடித்த படத்தின் மூன்றாம் பாகத்தில் தமன்னா
• 
  ஜனநாயகன் இசை விழாவில் கலந்து கொள்ள ரஜினி, கமலுக்கு அழைப்பா?
• 
  '18 மைல்ஸ் தாரணா' : ‛பேச்சுலர்' இயக்குனரின் அடுத்த பட அப்டேட்