Dinamalar

நம்பூதிரி பெண்ணாக மாறிய அமலாபால்

இயக்குனர் விஜய் உடனான திருமண முறிவுக்கு பிறகு அமலாபால் படங்களில் நடிப்பதில் சரியாக கவனம் செலுத்தவில்லையா அல்லது அவருக்கு வாய்ப்புகள் குறைந்ததா என்று சொல்லத்தக்க வகையில் கடந்த மூன்று வருடங்களில் ஒன்றிரண்டு படங்களில் மட்டுமே நடித்துள்ளார். சில மாதங்களுக்கு முன்பு அவரே தயாரித்து நடித்த கடாவர் திரைப்படம் வெளியானது. இந்தநிலையில் முன்னெப்போதும் இல்லாத வகையில் மலையாள திரையுலக பக்கம் கவனத்தை திருப்பியுள்ள அமலாபால், கிறிஸ்டோபர் என்கிற படத்தில் மம்முட்டிக்கு ஜோடியாக நடித்துள்ளார். அதேப்போல கதையின் நாயகியாக டீச்சர் என்கிற படத்தில் நடித்து வருகிறார்.

இந்த நிலையில் தற்போது கிராமத்து பின்னணியில் உருவாகும் த்விஜா என்கிற படத்தில் நம்பூதிரிப் பெண் கதாபாத்திரத்தில் முதன்முறையாக நடிக்கிறார் அமலாபால். வெள்ளை ஆடை அணிந்து வெறுங்காலுடன் அமலாபால் குடை பிடித்தபடி நிற்கும் கதாபாத்திர போஸ்டர் ஒன்று தற்போது வெளியாகி ரசிகர்களை ஆச்சரியப்படுத்தி உள்ளது. தேசிய விருது பெற்ற ஹமித் என்கிற படத்தை இயக்கிய அய்ஜாஸ் கான் என்பவர் இந்த படத்தை இயக்குகிறார். அல்லு அர்ஜுன் நடித்த புஷ்பா படத்தை தயாரித்த பிரபல நிறுவனமான மைத்ரி மூவி மேக்கர்ஸ் மற்றும் இன்னும் இரண்டு நிறுவனங்கள் இணைந்து இந்தப்படத்தை தயாரிக்கின்றன.

• 
  ‛சூ ப்ரம் சோ' கன்னட படத்தை ஹிந்தியில் ரீமேக் செய்ய விரும்பும் அஜய் ...
• 
  300 கோடி வசூல் கடந்தும் நஷ்டத்தை சந்திக்கும் 'வார் 2'
• 
  ஷாருக்கான் மகன் டைரக்ஷனில் சிறப்பு தோற்றத்தில் சல்மான்கான், ரன்வீர் சிங்
• 
  டிரோல்களுக்கு ஜான்வி கபூர் கொடுத்த விளக்கம்
• 
  அழகுக்கு அனன்யா பாண்டே தரும் ‛டிப்ஸ்'

• 
  ‛காஞ்சனா 4' படத்திற்கு பிறகு தமிழ் சினிமாவில் என்னை தேடுவார்கள் : நோரா ...
• 
  ‛கஜினி' சிக்ஸ்பேக்கிற்கு அஜித் தான் காரணம் : ஏ.ஆர்.முருகதாஸ் தகவல்
• 
  சன்னி லியோன் நடித்த படத்தின் மூன்றாம் பாகத்தில் தமன்னா
• 
  ஜனநாயகன் இசை விழாவில் கலந்து கொள்ள ரஜினி, கமலுக்கு அழைப்பா?
• 
  '18 மைல்ஸ் தாரணா' : ‛பேச்சுலர்' இயக்குனரின் அடுத்த பட அப்டேட்