Dinamalar

புதுமுகங்களின் 'வாய்ப்பில்ல ராஜா'

ஸ்கை ஹை ப்ளை என்டர்டெய்ன்மென்ட் நிறுவனம் சார்பில் பொன்ராஜ் தயாரித்திருக்கும் படம் 'வாய்ப்பில்ல ராஜா'. புதுமுக நடிகர் சாஹர் கதையின் நாயகனாகவும், மதுமிதா கதையின் நாயகியாகவும் அறிமுகமாகிறார்கள். ஈ.ராமதாஸ், ஜெகந்நாதன், ஹீரோ குமார், மறைந்த நடிகர் தவசி மற்றும் நடிகை ரங்கம்மா பாட்டி உள்ளிட்ட பலர் நடித்திருக்கிறார்கள். ஹமரா சிவி இசையமைத்திருக்கிறார். ரா.மாணிக்கம் இயக்கி உள்ளார்.

படம் பற்றி அவர் கூறியதாவது: கிராமிய பின்னணியில் நகைச்சுவைக்கு முக்கியத்துவம் அளித்து இதன் திரைக்கதை அமைக்கப்பட்டிருக்கிறது. கல்லூரிக்கு சென்று படிக்கும் நாயகியை, அதே ஊரைச் சேர்ந்த இளைஞன் ஒருவன் காதலிக்கிறான். இந்நிலையில் அந்த ஊருக்கு கிராம நிர்வாக அதிகாரியாக நாயகன் வருகிறார். உள்ளூர் இளைஞனை காதலிக்கும் நாயகி, கிராம நிர்வாக அதிகாரி மீது தன் காதல் பார்வையை வீசுகிறார். இதனால் ஆத்திரமடைந்த உள்ளூர் இளைஞன், அவர்களின் காதலை பிரிக்க திட்டமிடுகிறார் அந்தத் திட்டம் வெற்றி பெற்றதா? இல்லையா? என்பதுதான் திரைக்கதை.

இன்றைய வேகமான உலகத்தில் தினம் தினம் ஒவ்வொரு வயதினரும் வெவ்வேறு வகையான மன அழுத்தங்களுக்கும், மன உளைச்சல்களுக்கும் ஆளாகிறார்கள். அவர்களுக்கு இதுபோன்ற காமெடி படங்கள் தேவைப்படுகிறது. ஒரு அரசியல் தலைவர் அடிக்கடி மேடையில் உச்சரிக்கும் வாய்ப்பில்ல ராஜா என்ற வாக்கியம் பிரபலம் என்பதால் படத்திற்கு தலைப்பாக அதனை வைத்திருக்கிறோம். என்றார்.

• 
  நான் இன்னமும் என்னை ஒரு நடிகராகவே கருதுகிறேன் : அமீர்கான்
• 
  தேனீ வாயில் புகுந்ததால் கரிஷ்மா முன்னாள் கணவர் மரணம்?
• 
  இரண்டு மனைவிகளுடன் விவகாரத்து : வெளிப்படையாகப் பேசிய அமீர்கான்
• 
  கரிஷ்மா கபூர் முன்னாள் கணவர் திடீர் மரணம்
• 
  'பெங்கால் பைல்ஸ்' என டைட்டில் மாற்றப்பட்ட 'டெல்லி பைல்ஸ்'

• 
  அடுத்தடுத்து மூன்று பான் இந்தியா படங்களின் முன்னோட்ட வீடியோ போட்டி
• 
  மீண்டும் திரைக்கு வருகிறது அருண் விஜய்யின் “தடையறத் தாக்க”
• 
  விஜய் சேதுபதி படத்தில் சம்யுக்தா
• 
  'தி ராஜா சாப்' டீசர் : தன் முந்தைய சாதனையை முறியடிக்காத பிரபாஸ்
• 
  நா.முத்துக்குமாருக்கு கரும்பு பிடிக்காதது ஏன்