Dinamalar

சிவகார்த்திகேயனின் பிரின்ஸ் படத்தின் சென்சார் மற்றும் ரன்னிங் டைம் வெளியானது!

டாக்டர், டான் படங்களுக்கு பிறகு சிவகார்த்திகேயன் நடித்துள்ள படம் பிரின்ஸ். தமிழ், தெலுங்கில் தயாராகியுள்ள இந்த படத்தை அனுதீப் இயக்கியிருக்கிறார். சிவகார்த்திகேயனுடன் மரியா, சத்யராஜ், யோகி பாபு உட்பட பலர் நடித்திருக்கும் இந்த படம் அக்டோபர் 21ம் தேதி திரைக்கு வருவதாக அறிவிக்கப்பட்டுள்ளது. இந்த நிலையில் தற்போது பிரின்ஸ் படத்தின் சென்சார் மற்றும் ரன்னிங் டைம் குறித்த தகவல் வெளியிடப்பட்டிருக்கிறது. அதில் பிரின்ஸ் படத்திற்கு தணிக்கை குழு, ‛யு' சான்றிதழ் அளித்திருப்பதாகவும், இப்படத்தின் ரன்னிங் டைம் 2 மணி நேரம் 23 நிமிடங்கள் என்றும் அறிவிக்கப்பட்டுள்ளது.
இந்த பிரின்ஸ் படத்தை தமிழகத்தில் கோபுரம் பிலிம்ஸ் நிறுவனம் வெளியிடுகிறது. அதேபோல் கார்த்தி நடித்து அக்டோபர் 21ம் தேதி திரைக்கு வரும் சர்தார் படத்தின் ரன்னிங் டைம் 2 மணி நேரம் 30 நிமிடங்கள் என்றும் தகவல் வெளியாகியுள்ளது.

• செய்திகள்
• ஆல்பம்