Dinamalar

தமிழ் ரிலீஸை ஒதுக்கிவிட்டு மலையாளத்தில் மட்டும் வெளியான அரவிந்த்சாமி படம்

மலையாள நடிகர் குஞ்சாக்கோ போபன் மற்றும் அரவிந்த்சாமி இருவரும் இணைந்து நடித்துள்ள படம் ஓட்டு. டொவினோ தாமஸ் நடித்த தீவண்டி என்கிற படத்தை இயக்கிய இயக்குனர் டி.பி.பெலினி என்பவர் இந்த படத்தை இயக்கியுள்ளார். இந்த படம் மலையாளம் மற்றும் தமிழ் என இரு மொழிப் படமாக ஒரே நேரத்தில் உருவாகி வந்தது. தமிழில் இந்தபடத்திற்கு ரெண்டகம் என டைட்டில் வைக்கப்பட்டிருந்தது. நடிகர் அரவிந்த்சாமி கிட்டத்தட்ட 25 வருட இடைவெளிக்கு பிறகு மலையாளத்தில் நடிக்கும் படமாகவும் மலையாள நடிகர் குஞ்சாக்கோ போபன் முதன் முறையாக தமிழில் அறிமுகமாகும் படமாகவும் இது உருவாகி வந்தது.

இந்த நிலையில் இந்த படம் மலையாளத்தில் மட்டும் வெளியாகி உள்ளது. சில நாட்களுக்கு முன்பு இந்த பட தயாரிப்பு நிறுவனம் இதன் தமிழ் படத்திற்கான வேலைகள் சற்று தாமதமாகவும் ஆனாலும் இந்த படத்தை மலையாளம் மற்றும் தமிழில் ஒரே நாளில் வெளியிட திட்டமிட்டிருப்பதாகவும் கூறியிருந்தது. ஆனால் மலையாளத்தில் ஓணம் பண்டிகைக்கு இந்த படத்தை வெளியிட ஏற்கனவே திட்டமிட்டு இருந்ததால் இப்போது இந்த படத்தின் மலையாள பதிப்பை மட்டும் வெளியிட்டுள்ளார்கள். தமிழ் பதிப்பு தயாரான பின்பு இன்னொரு நாளில் தமிழில் மட்டும் ரெண்டகம் படம் தனியாக வெளியாகும் என தெரிகிறது.

• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்

• 
  திரையுலகில் 22 ஆண்டுகள்: நயன்தாரா நெகிழ்ச்சி
• 
  துல்கர் சல்மானுக்கு ஜோடியாக நடிக்க 3 கோடி சம்பளம் வாங்கிய பூஜா ஹெக்டே!
• 
  புகழ்ச்சியை தலையில் ஏற்றிக் கொள்ள மாட்டேன்! : கல்யாணி பிரியதர்ஷன்
• 
  விஜய்யின் தந்தை இயக்குனர் எஸ்.ஏ.சி.,யை டென்ஷன் ஆக்கிய கேள்வி!
• 
  சிம்புவின் ‛அரசன்' படத்தில் இடம் பெறும் மூன்று முன்னணி நடிகைகள்!