Dinamalar

ராஜமவுலியின் படங்களுக்கு அமெரிக்க திரைப்பட விழா வழங்கும் கவுரவம்

இயக்குனர் ராஜமவுலி தனது பிரம்மாண்ட படைப்புகள் மூலம் தென்னிந்தியா பாலிவுட் என அனைத்து தரப்பு ரசிகர்களை கவரும் விதமாக தொடர்ந்து படங்களை இயக்கி வருகிறார். அதுமட்டுமல்ல இவரது படங்கள் வெளிநாட்டினரையும் கவர்ந்துள்ளது. ஹாலிவுட்டை சேர்ந்த பல தயாரிப்பாளர்களும் இயக்குனர்களும் இவரது பாகுபலி, ஆர்ஆர்ஆர் ஆகிய படங்களை பார்த்துவிட்டு பல தருணங்களில் புகழ்ந்து பாராட்டி உள்ளனர்.

இந்த நிலையில் வரும் செப்டம்பர் மாதம் அமெரிக்காவின் லாஸ் ஏஞ்சல்சில் நடைபெற உள்ள 'பியாண்ட் பெஸ்ட் 2022' திரைப்பட விழா துவங்குகிறது. இந்த விழாவில் இயக்குனர் ராஜமவுலிக்கு கவுரவம் சேர்க்கும் விதமாக கோலிவுட்டில் இருந்து பாலிவுட்டுக்கு என்கிற பிரிவில் ராஜமவுலியின் இயக்கத்தில் வெளியான ஈகா, மகதீரா, பாகுபலி 2 பாகங்கள் மற்றும் ஆர்ஆர்ஆர் ஆகிய திரைப்படங்கள் செப்.,30 முதல் அக்.,11 வரை லாஸ் ஏஞ்சல்ஸ் நகரத்தில் உள்ள பிரம்மாண்ட திரையரங்குகளில் ரசிகர்களுக்காக திரையிடப்பட இருக்கின்றன.

இந்த தகவலை இந்த விழாவை நடத்தும் அமைப்பே அதிகாரப்பூர்வமாக தனது சோசியல் மீடியா பக்கத்தில் வெளியிட்டு உள்ளது. இந்த நிகழ்ச்சியின் இறுதி நாளன்று இந்த விழாவில் நேரிலேயே கலந்துகொள்ளும் இயக்குனர் ராஜமவுலி பார்வையாளர்களுடன் கலந்துரையாடவும் இருக்கிறாராம். இது இயக்குனர் ராஜமவுலிக்கு கிடைத்த இன்னொரு மிகப்பெரிய கவுரவம் என்றே சொல்லலாம்.

• 
  மும்பையில் உள்ள அபார்ட்மென்ட்டை குறைந்த லாபத்திற்கு விற்ற சோனு சூட்
• 
  குடும்பத்துடன் விநாயகர் சதுர்த்தி கொண்டாடிய சல்மான்கான்
• 
  காரில் கோளாறு: ஷாரூக்கான், தீபிகா படுகோனே மீது வழக்கு
• 
  எனது சொகுசு பங்களா வீடியோவை உடனே நீக்குங்கள்! - ஆலியா பட் வைத்த ஆவேச ...
• 
  புதுமுகங்கள் நடித்த 'மன்னு க்யா கரேகா' டிரைலர் வெளியீடு

• 
  பிரித்விராஜ் செய்யலாம்.. நான் செய்யக்கூடாதா? : மலையாள குணச்சித்திர நடிகர் ...
• 
  அங்கிளான என்னை அண்ணனாக மாற்றிவிட்டார் பஹத் பாசில் ; இயக்குனர் சத்யன் ...
• 
  விநாயகர் சதுர்த்தி கொண்டாட்டத்திற்காக தானாகவே விநாயகர் சிலையை ...
• 
  ஆஸ்கர் போட்டிக்கு தேர்வான மலையாள இயக்குனர் படம்
• 
  ‛வார் - 2' படம் தோல்வி அடைந்ததால் ஜூனியர் என்டிஆரின் அடுத்த படத்தை ...