Dinamalar

டி.வி.காமெடி நடிகருடன் ராஜ்கிரண் மகள் காதல் திருமணம்

வில்லன் மற்றும் குணசித்ர நடிகர் சண்முகராஜின் தம்பி முனீஸ் ராஜா. நாதஸ்வரம் என்கிற தொலைக்காட்சி தொடர் மூலம் காமெடி நடிகராக அறிமுகமானார். அந்த தொடர் அவருக்கு நல்ல பிரபலத்தை கொடுத்தது. அதன்பிறகு முள்ளும் மலரும் தொடரில் நாயகனாக நடித்தார். அதன்மூலம் தேவராட்டம் உள்ளிட்ட சில திரைப்படங்களிலும் காமெடி வேடத்தில் நடித்தார்.

இந்த நிலையில் இயக்குனரும், நடிகருமான ராஜ்கிரணின் மகள் ஜீனத் பிரியாவை காதலித்து திருமணம் செய்துள்ளார் முனீஸ் ராஜா இருவரும் முகநூல் நண்பர்களாக அறிமுகமாகி பின்னர் காதலித்துள்ளனர். இருவரும் வெவ்வேறு மதங்களை சேர்ந்தவர்கள் என்பதால் இரு குடும்பத்திலும் இந்த காதலுக்கு எதிர்ப்பு இருந்ததாக கூறப்படுகிறது. இதன் காரணமாக இருவரும் பதிவு திருமணம் செய்து கொண்டதாக தெரிகிறது.

தற்போது முனீஸ்ராஜா குடும்பத்தில் காதலையும், கல்யாணத்தையும் ஏற்றுக் கொண்டதாகவும், ராஜ்கிரண் குடும்பத்தில் இன்னும் முழுமையாக ஏற்றுக் கொள்ளவில்லை என்றும் நட்பு வட்டாரத் தகவல்கள் தெரிவிக்கிறது. இது தொடர்பாக இரு குடும்பத்தினரும் இதுவரை வெளிப்படையாக எதையும் தெரிவிக்கவில்லை. ஆரம்பத்தில் இது சின்னத்திரை சீரியலுக்கான பரபரப்பு விளம்பரமாக இருக்குமோ என்றுதான் எல்லோரும் கருதினார்கள். ஆனால் இப்போது அது உண்மை தான் என்பது உறுதியாகி உள்ளது.

முனீஸ் பேட்டி
இதனிடையே தங்கள் திருமணம் குறித்து முனீஸ் வெளியிட்ட வீடியோவில், ‛‛நாங்கள் காதலித்து திருமணம் செய்து கொண்டோம். எங்கள் திருமணம் பற்றி சில தவறான செய்திகள் வருகின்றன. கூடிய விரைவில் எங்கள் குடும்பத்தாரின் சம்மதத்துடன், பத்திரிக்கை எல்லாம் அடித்து விரைவில் திருமண வரவேற்புக்கு அழைக்கிறேன். இந்த செய்தி கேட்டு எங்களை வாழ்த்திய அனைவருக்கும் நன்றி'' என்றார்.

• 
  ‛சூ ப்ரம் சோ' கன்னட படத்தை ஹிந்தியில் ரீமேக் செய்ய விரும்பும் அஜய் ...
• 
  300 கோடி வசூல் கடந்தும் நஷ்டத்தை சந்திக்கும் 'வார் 2'
• 
  ஷாருக்கான் மகன் டைரக்ஷனில் சிறப்பு தோற்றத்தில் சல்மான்கான், ரன்வீர் சிங்
• 
  டிரோல்களுக்கு ஜான்வி கபூர் கொடுத்த விளக்கம்
• 
  அழகுக்கு அனன்யா பாண்டே தரும் ‛டிப்ஸ்'

• 
  ‛காஞ்சனா 4' படத்திற்கு பிறகு தமிழ் சினிமாவில் என்னை தேடுவார்கள் : நோரா ...
• 
  ‛கஜினி' சிக்ஸ்பேக்கிற்கு அஜித் தான் காரணம் : ஏ.ஆர்.முருகதாஸ் தகவல்
• 
  சன்னி லியோன் நடித்த படத்தின் மூன்றாம் பாகத்தில் தமன்னா
• 
  ஜனநாயகன் இசை விழாவில் கலந்து கொள்ள ரஜினி, கமலுக்கு அழைப்பா?
• 
  '18 மைல்ஸ் தாரணா' : ‛பேச்சுலர்' இயக்குனரின் அடுத்த பட அப்டேட்