Dinamalar

அதிர்ச்சி : பிரபல பின்னணி பாடகர் பம்பா பாக்யா மரணம்

பிரபல பின்னணி பாடகர் பம்பா (49) பாக்யா உடல்நலக்குறைவால் சென்னையில் காலமானார். அவரின் திடீர் மரணம் திரையுலகினர், ரசிகர்கள் இடையே பெரும் அதிர்ச்சியையும், சோகத்தையும் ஏற்படுத்தி உள்ளது.

சென்னை, பாடி பகுதியில் குடும்பத்துடன் வசித்து வந்த இவருக்கு திடீரென உடல்நலக்குறைவு ஏற்பட்டது. இதையடுத்து நேற்று இரவு மருத்துவமனையில் அனுமதிக்கப்பட்டார். தீவிர சிகிச்சை பிரிவில் இருந்தவர் சிகிச்சை பலன் இன்றி உயிரிழந்தார்.

இசையமைப்பாளர் ஏ.ஆர்.ரஹ்மானால் திரையுலகிற்கு அறிமுகம் செய்யப்பட்டவர் பம்பா பாக்யா. ராவணன் படத்தில் தொடங்கியது அவரது திரைப்பயணம். ‛சர்கார்' படத்தில் இடம் பெற்ற ‛சிம்டாங்காரன்...' பாடல் அவரை இன்னும் பிரபலமாக்கியது. ‛2.0' படத்தில் இடம் பெற்ற ‛புல்லினங்காள்...' பாடலையும் இவர் தான் பாடியிருந்தார். ‛பிகில்' படத்தில் வரும் ‛காலமே காலமே...' போன்ற பாடல்களையும் பாடி உள்ளார். இம்மாதம் வெளியாக உள்ள ‛பொன்னியின் செல்வன்' படத்தில் இடம்பெற்றுள்ள ‛பொன்னி நதி' பாடலின் ஆரம்ப வரிகளையும் இவர் தான் பாடி உள்ளார்.

சந்தோஷ் தயாநிதி இசையில் வெளியான 'ராட்டி' ஆல்பம் பாடல் இளைஞர்களை கவர்ந்தது. அதில் பம்பா பாக்யாவின் குரல் ரசிகர்களை வெகுவாக கவர்ந்தது. அந்த பாடலின் வீடியோவை 1.74 கோடிக்கும் அதிகமான பேர் பார்த்துள்ளனர்.

மறைந்த பம்பா பாக்யாவின் மறைவுக்கு திரையுலகினர், ரசிகர்கள் பலரும் இரங்கல் தெரிவித்துள்ளனர். இன்று அவரது இறுதிச்சடங்கு நடைபெற உள்ளது.

• 
  ‛சூ ப்ரம் சோ' கன்னட படத்தை ஹிந்தியில் ரீமேக் செய்ய விரும்பும் அஜய் ...
• 
  300 கோடி வசூல் கடந்தும் நஷ்டத்தை சந்திக்கும் 'வார் 2'
• 
  ஷாருக்கான் மகன் டைரக்ஷனில் சிறப்பு தோற்றத்தில் சல்மான்கான், ரன்வீர் சிங்
• 
  டிரோல்களுக்கு ஜான்வி கபூர் கொடுத்த விளக்கம்
• 
  அழகுக்கு அனன்யா பாண்டே தரும் ‛டிப்ஸ்'

• 
  ‛காஞ்சனா 4' படத்திற்கு பிறகு தமிழ் சினிமாவில் என்னை தேடுவார்கள் : நோரா ...
• 
  ‛கஜினி' சிக்ஸ்பேக்கிற்கு அஜித் தான் காரணம் : ஏ.ஆர்.முருகதாஸ் தகவல்
• 
  சன்னி லியோன் நடித்த படத்தின் மூன்றாம் பாகத்தில் தமன்னா
• 
  ஜனநாயகன் இசை விழாவில் கலந்து கொள்ள ரஜினி, கமலுக்கு அழைப்பா?
• 
  '18 மைல்ஸ் தாரணா' : ‛பேச்சுலர்' இயக்குனரின் அடுத்த பட அப்டேட்