Dinamalar

ஒன்றல்ல, இரண்டு : கனடாவில் ஏ.ஆர்.ரஹ்மானுக்கு கிடைத்த மற்றொரு கவுரவம்

ரோஜா படத்தில் இசையமைப்பாளராக அறிமுகமாகி 100க்கும் அதிகமான படங்களுக்கு மேல் இசையமைத்து இருப்பவர் ஏ.ஆர்.ரஹ்மான். ஆஸ்கர் விருது வென்று சாதனை படைத்த இவர் தற்போது கோப்ரா, பொன்னியின் செல்வன், வெந்து தணிந்தது காடு உள்ளிட்ட பல படங்களுக்கு இசையமைத்துள்ளார்.

இந்நிலையில் ரஹ்மானை கவுரவிக்கும் விதமாக கனடா நாட்டில் மர்காம் என்ற நகரில் உள்ள தெருவிற்கு ஏ.ஆர்.ரஹ்மான் என பெயர் சூட்டி உள்ளனர். இதுதொடர்பான போட்டோ சமூகவலைதளங்களில் வைரலானது. இதற்கு நன்றி தெரிவித்து ஒரு அறிக்கை வெளியிட்டுள்ளார் ரஹ்மான்.

அதில், ‛‛ஒரு போதும் இதை நான் என் வாழ்நாளில் எதிர்பார்த்ததில்லை. கனடா மக்களுக்கும், மர்கான் நகர மேயருக்கும் நன்றி உள்ளவனாக இருப்பேன். ரஹ்மான் என்பது பெயரல்ல. அந்த சொல்லுக்கு இரக்கமுள்ளவர் என்று பொருள். இரக்கம் என்பது நம் அனைவருக்கும் இருக்கும் ஒரு பொதுவான குணம். எனவே அந்த பெயர் கனடாவில் வாழும் அனைத்து மக்களுக்கும் அமைதி, செழிப்பு, மகிழ்ச்சி மற்றும் ஆரோக்கியத்தை கொண்டு வரட்டும். கடவுள் உங்களை ஆசிர்வதிப்பார்'' என தெரிவித்துள்ளார்.

ரஹ்மான் பெயர் கனடா நாட்டு தெருவுக்கு சூட்டுவது இது முதல்முறையல்ல. கடந்த 2013ல் ஒரு நகரில் உள்ள தெருவுக்கு ‛அல்லா ரக்கா ரஹ்மான்' என அவரது பெயர் சூட்டப்பட்டிருந்தது குறிப்பிடத்தக்கது.

• 
  ஆனந்த்.எல்.ராய் இயக்கத்தில் இணையும் முன்னனி நடிகைகள்
• 
  60 கோடி செலுத்த ஷில்பா ஷெட்டி, ராஜ் குந்த்ராவுக்கு நீதிமன்றம் உத்தரவு
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...

• 
  ஒரே மாதத்தில் திரைக்கு வரும் கிர்த்தி ஷெட்டியின் மூன்று படங்கள்
• 
  100 பேர் வந்தாலும்....! பிரதீப் ரங்கநாதனின் 'டியூட்' படத்தின் டிரைலர் ...
• 
  இம்மாதத்தில் ஓடிடியில் வெளியாகும் 'லோகா, இட்லிகடை'
• 
  500 கோடி வசூலை நோக்கி 'காந்தாரா சாப்டர் 1'
• 
  அரசன் படத்தின் புதிய அப்டேட் : சுதீப் இணைய வாய்ப்பு