Dinamalar

பாண்டியன் ஸ்டோர்ஸ் குமரனை கலாய்த்த ராஜூ : ஆடிஷனில் நடந்த சுவாரசியம்

சின்னத்திரை நடிகரான ராஜூ ஜெயமோகன் பிக்பாஸ் நிகழ்ச்சியில் கலந்து கொண்டு மக்களின் மனதை வென்று டைட்டில் பட்டத்தை வென்றார். தொடர்ந்து அவர் வெள்ளித்திரையில் ஹீரோவாக ஒரு ரவுண்டு வலம் வருவார் என பலரும் எதிர்பார்த்திருந்த நிலையில், இதுவரை அவர் எந்த தொடரிலும் கமிட்டானாதாக தெரியவில்லை. இதற்கிடையில் 'ராஜூ வூட்ல பார்ட்டி' என்கிற விஜய் டிவி ரியாலிட்டி ஷோவில் ப்ரியங்காவுடன் ஆங்கராக கலக்கி வருகிறார்.

இந்நிகழ்ச்சியின் இந்த வாரத்திற்கான எபிசோடில் 'பாண்டியன் ஸ்டோர்ஸ்' சீரியல் குழுவினர் கலந்து கொள்கின்றனர். அதற்கான புரோமோ தற்போது வெளியாகியுள்ளது. அதில் ராஜூ, பாண்டியன் ஸ்டோர்ஸ் சீரியலில் கதிர் கேரக்டருக்கு நானும் ஆடிஷனுக்கு போனேன். கடினமான உழைப்பாளி கதாபாத்திரம் என்பதால் உயிரை கொடுத்து நடித்தேன். ஆனால், கேமரா மேன் சட்டென கேமராவை ஆப் செய்துவிட்டு எனக்கு எக்ஸ்ப்ரஸன் வரவில்லை என்று கூறி ரிஜக்ட் செய்துவிட்டார். ஆனால், சீரியல் டெலிகாஸ்ட் ஆகி குமரனின் நடிப்பை பார்த்தால் அவரும் என்னை போல் தான் நடித்துக் கொண்டிருக்கிறார். அப்புறம் எதுக்கு என்னை ரிஜக்ட் செய்தார்கள் என்று தெரியவில்லை' என்று நகைச்சுவையாக கூறி சைட் கேப்பில் குமரனை கலாய்க்கிறார்.

இந்த வீடியோவானது தற்போது வைரலாகி வருகிறது. அதுமட்டுமில்லாமல் பாண்டியன் ஸ்டோர்ஸ் தொடரில் கதிர் கதாபாத்திரத்திற்கு மட்டுமல்லாமல் ஜீவா கதாபாத்திரத்திற்காகவும் ஆடிஷன் செய்து ராஜூ பல்பு வாங்கியுள்ளார். இன்னும் இதுபோல என்னென்ன காமெடிகள் ஆடிஷனின் போது ராஜூவுக்கு நிகழ்ந்திருக்கிறது என்பதை தெரிந்து கொள்ள பலரும் இந்த வார எபிசோடை பார்க்க ஆர்வம் காட்டி வருகின்றனர். 'ராஜூ வூட்ல பார்ட்டி' நிகழ்ச்சி ஞாயிறுதோறும் இரவு 9:30 மணிக்கு விஜய் டிவியில் ஒளிபரப்பாகி வருகிறது.

• 
  ஹிந்தியில் மீண்டும் தடம் பதிப்பாரா தனுஷ்?
• 
  சினிமா டூ அரசியல் : பாலிவுட்டின் ‛ஹீ மேன்' தர்மேந்திராவின் வாழ்க்கை ...
• 
  ஹிந்தி நடிகர் தர்மேந்திரா காலமானார்
• 
  4 வருடங்களுக்கு பிறகு வெளியானது 'பேமிலி மேன் 3'
• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...

• 
  அன்பே வா, அவள் வருவாளா, நம்ம வீட்டுப் பிள்ளை - ஞாயிறு திரைப்படங்கள்
• 
  ராமன் தேடிய சீதை, பாட்ஷா, குடும்பஸ்தன் - ஞாயிறு திரைப்படங்கள்
• 
  இதயக்கனி, அன்புள்ள ரஜினிகாந்த், போர் தொழில் - ஞாயிறு திரைப்படங்கள்
• 
  ஆபாச படத்தைக் காட்டி 2 கோடி கேட்டு மிரட்டிய நடிகை
• 
  நான் ஏன் பிறந்தேன், முத்து, மார்கன் - ஞாயிறு திரைப்படங்கள்