Dinamalar

தமிழ், தெலுங்கில் ரீமேக்காகும் ஆலியா பட்டின் டார்லிங்ஸ்

ஹிந்தியில் ஆலியா பட் நடிப்பில் தற்போது வெளியாகியுள்ள படம் டார்லிங்ஸ். இந்த படத்தின் மூலம் முதன்முதலாக தயாரிப்பாளராகவும் மாறிய ஆலியா பட் ஷாருக்கானின் ரெட் சில்லீஸ் என்டர்டைன்மென்ட் நிறுவனத்துடன் இணைந்து இந்த படத்தை தயாரித்துள்ளார். இந்த படம் கடந்த சில நாட்களாகவே கடும் சர்ச்சையை சந்தித்து வந்தது. அதாவது குடும்ப வன்முறைக்கு ஆளாகும் பெண்கள் பற்றியும் அப்படி ஒரு பெண் தனது மாமியாரின் துணையுடன் தனது கணவரை கடத்தி சித்திரவதை செய்து அவருக்கு பாடம் புகட்டுவது இந்த படத்தின் கதை அமைந்துள்ளது. இதற்காகத்தான் பலத்த எதிர்ப்பையும் சம்பாதித்தது. இந்நிலையில் இந்த படம் தமிழ் மற்றும் தெலுங்கில் ரீமேக் ஆகும் என தகவல் வெளியாகி உள்ளது.

இதுகுறித்து படத்தயாரிப்பு நிறுவனம் சம்பந்தமான அதிகாரி ஒருவர் கூறும்போது, இந்தப்படத்தின் ஆரம்பகட்ட தயாரிப்பில் இருந்து கூடவே பயணித்ததால் இந்த படத்தின் கதை எல்லா மொழிகளுக்கும் பொருந்தும் அம்சங்களுடன் இருக்கிறது என்பதை உணர்ந்தோம். அதனால் தமிழ் மற்றும் தெலுங்கில் இந்தப் படத்தை அந்தந்த மொழிகளுக்கு ஏற்ற மாதிரி ஒரு சில மாற்றங்களுடன் ரீமேக் செய்ய முடிவு செய்துள்ளோம் என்று கூறியுள்ளார். இந்த படத்தை ரீமேக் செய்து தயாரிப்பதன் மூலம் தமிழ் மற்றும் தெலுங்கில் முதன்முதலாக அடியெடுத்து வைக்கிறது ஷாருக்கானின் ரெட் சில்லீஸ் என்டர்டெயின்மென்ட் நிறுவனம்.

• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்

• 
  திரையுலகில் 22 ஆண்டுகள்: நயன்தாரா நெகிழ்ச்சி
• 
  துல்கர் சல்மானுக்கு ஜோடியாக நடிக்க 3 கோடி சம்பளம் வாங்கிய பூஜா ஹெக்டே!
• 
  புகழ்ச்சியை தலையில் ஏற்றிக் கொள்ள மாட்டேன்! : கல்யாணி பிரியதர்ஷன்
• 
  விஜய்யின் தந்தை இயக்குனர் எஸ்.ஏ.சி.,யை டென்ஷன் ஆக்கிய கேள்வி!
• 
  சிம்புவின் ‛அரசன்' படத்தில் இடம் பெறும் மூன்று முன்னணி நடிகைகள்!