Dinamalar

பாஜக-வில் விரைவில் இணைய உள்ள நடிகை ஜெயசுதா

70களின் துவக்கத்தில் தெலுங்குத் திரையுலகத்தில் திரையுலகில் அறிமுகமாகி தமிழ், கன்னடம், மலையாளம், ஹிந்தி என பல மொழிகளிலும் நடித்தவர் ஜெயசுதா. தெலுங்கில் மட்டும் 200க்கும் மேற்பட்ட படங்களில் பல முன்னணி கதாநாயகர்களுடன் நடித்துள்ளார்.

தமிழில் “அரங்கேற்றம், சொல்லத்தான் நினைக்கிறேன், அபூர்வ ராகங்கள், நினைத்தாலே இனிக்கும்” உள்ளிட்ட சில படங்கள் அவர் நடித்த முக்கியமான படங்கள்.

சென்னையில் பிறந்து வளர்ந்த ஜெயசுதா பின்னர் ஐதராபாத்திலேயே செட்டிலாகிவிட்டார். 2001ல் கிறிஸ்துவ மதத்திற்கு மாறிய ஜெயசுதா காங்கிரஸ் கட்சியில் இணைந்து 2009ல் செகந்தராபாத் சட்டமன்ற உறுப்பினராகத் தேர்வு செய்யப்பட்டார். ஆனால், 2014ம் ஆண்டு நடைபெற்ற தேர்தலில் தோல்வியைத் தழுவினார். அதன் பின் தீவிர அரசியலில் இருந்து விலகி இருந்த ஜெயசுதா சமீபத்தில் தெலங்கானா பாஜக தலைவர்களில் ஒருவரான ஏடெலா ராஜசேகரை சந்தித்துப் பேசியுள்ளார்.

அதன் பின் பாஜகவில் இணைய சம்மதித்துள்ளதாகவும் விரைவில் சேர உள்ளதாகவும் செய்திகள் வெளியாகி உள்ளது. பாஜகவில் ஏற்கெனவே தெலுங்குத் திரையுலகின் முன்னாள் முன்னணி கதாநாயகியான விஜயசாந்தியும் இருக்கிறார் என்பது குறிப்பிடத்தக்கது. மேலும், பல நட்சத்திரங்களும் பாஜகவில் உள்ளனர். அவர்கள் வரிசையில் தற்போது ஜெயசுதாவும் இணைய உள்ளார்.

• 
  60 கோடி செலுத்த ஷில்பா ஷெட்டி, ராஜ் குந்த்ராவுக்கு நீதிமன்றம் உத்தரவு
• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...

• 
  இந்த வார ஓடிடி ரிலீஸ்...... நீங்கள் எதிர்பார்த்த 'வார்-2' முதல் 'பாம்' ...
• 
  ஜட்ஜ் ஆக நடிக்கும் சோனியா அகர்வால்
• 
  புதிய இசை நிறுவனம் தொடங்கிய ஐசரி கணேஷ்
• 
  பிளாஷ்பேக் : தங்கை கேரக்டரில் அதிகம் நடித்த நடிகை
• 
  ராட்சசன், ஆர்யன் இரண்டும் வேறு வேறு கதை களம்: விஷ்ணு விஷால்