Dinamalar

ஆடிப் பெருக்கு நாளில் அதிதியின் இரண்டாவது பட அறிவிப்பு

தமிழ் சினிமாவின் பிரம்மாண்ட இயக்குனரான ஷங்கரின் மகள் அதிதி ஷங்கர். டாக்டருக்குப் படித்து முடித்துள்ள அதிதி, மருத்துவம் பார்க்காமல் சினிமாவில் நடிக்க வந்துள்ளார். அவர் கதாநாயகியாக அறிமுகமாக உள்ள 'விருமன்' படம் அடுத்த வாரம் வெளியாக உள்ளது. ஆடிப் பெருக்கு தினமான இன்று(ஆக.,3) அப்படத்தின் இசை வெளியீடு மதுரையில் நடைபெற உள்ளது.

ஆடிப்பெருக்கு தினத்தில் பலரும் புதிய படங்களை ஆரம்பிப்பதும், அறிவிப்பதுமாக உள்ளார்கள். அவ்வகையில் அதிதி ஷங்கரின் இரண்டாவது பட அறிவிப்பை இன்று வெளியிட்டுள்ளது படக்குழு. சிவகார்த்திகேயன் கதாநாயகனாக நடிக்க 'மண்டேலா' படத்தை இயக்கிய மடோன் அஷ்வின் இயக்க உள்ள 'மாவீரன்' படத்தின் கதாநாயகி அதிதி ஷங்கர் என அறிவித்துள்ளார்கள்.

முதல் படம் வெளிவருவதற்கு முன்பே இரண்டாம் பட அறிவிப்பைப் பெறும் கதாநாயகியாக அதிதி ஷங்கர் உள்ளார். இதற்கு முன்பு முதல் படம் வெளியாவதற்கு முன்பே இரண்டாம் பட வாய்ப்பைப் பெற்றவர் கீர்த்தி சுரேஷ். அவருடைய இரண்டாம் படமும் சிவகார்த்திகேயனுடன்தான் அமைந்தது. அவர் தற்போது தமிழில் முன்னணி நடிகையாக உள்ளார். அது போலவே அதிதி ஷங்கருக்கும் அமைந்துள்ளது. அவரும் முன்னணி நடிகையாக வருவாரா என்பது 'விருமன்' பட வெளியீட்டிற்குப் பிறகே தெரியும்.

• 
  ‛சூ ப்ரம் சோ' கன்னட படத்தை ஹிந்தியில் ரீமேக் செய்ய விரும்பும் அஜய் ...
• 
  300 கோடி வசூல் கடந்தும் நஷ்டத்தை சந்திக்கும் 'வார் 2'
• 
  ஷாருக்கான் மகன் டைரக்ஷனில் சிறப்பு தோற்றத்தில் சல்மான்கான், ரன்வீர் சிங்
• 
  டிரோல்களுக்கு ஜான்வி கபூர் கொடுத்த விளக்கம்
• 
  அழகுக்கு அனன்யா பாண்டே தரும் ‛டிப்ஸ்'

• 
  ‛காஞ்சனா 4' படத்திற்கு பிறகு தமிழ் சினிமாவில் என்னை தேடுவார்கள் : நோரா ...
• 
  ‛கஜினி' சிக்ஸ்பேக்கிற்கு அஜித் தான் காரணம் : ஏ.ஆர்.முருகதாஸ் தகவல்
• 
  சன்னி லியோன் நடித்த படத்தின் மூன்றாம் பாகத்தில் தமன்னா
• 
  ஜனநாயகன் இசை விழாவில் கலந்து கொள்ள ரஜினி, கமலுக்கு அழைப்பா?
• 
  '18 மைல்ஸ் தாரணா' : ‛பேச்சுலர்' இயக்குனரின் அடுத்த பட அப்டேட்