Dinamalar

'தி கிரே மேன்' படக்குழுவினருக்கு குஜராத்தி ஸ்டைலில் விருந்தளித்த ஆமீர்கான்

பான் இந்தியா ரிலீஸ் என்கிற வார்த்தை புழக்கத்தில் வந்தபின் தென்னிந்திய மற்றும் பாலிவுட் சினிமாவை சேர்ந்தவர்கள் ஒன்றாக கலந்து தங்களது படங்களின் புரமோஷன்களுக்கு மாறி மாறி உதவிக்கொள்கின்றனர். தற்போது இன்னும் ஒரு படி மேலேபோய் இந்திய சினிமாவும், ஹாலிவுட் சினிமாவும் கைகோர்த்து புரமோஷன் நிகழ்ச்சிகளில் ஈடுபடுவதும் அதன் மையப்புள்ளியாக தமிழ் நடிகரான தனுஷ் இருப்பதும் தமிழ் சினிமாவுக்கு கிடைத்த பெருமை என்றே சொல்லலாம்.

ரூசோ பிரதர்ஸ் இயக்கத்தில் தனுஷ் நடித்துள்ள 'தி கிரே மேன்' என்கிற ஹாலிவுட் படம் இன்று நேரடியாக ஓடிடி தளத்தில் வெளியாகியுள்ளது. இந்தப்படத்தின் புரமோஷன் நிகழ்ச்சிக்காக மும்பையில் முகாமிட்டுள்ள படக்குழுவினர் சமீபத்தில் இதன் பிரீமியர் ஷோவை திரையிட்டனர். இதில் கலந்துகொள்ள இந்தி பிரபலங்கள் பலருக்கும் அழைப்பு விடுத்திருந்தனர். ஆனால் நடிகர் ஆமிர்கான் தனது லால் சிங் சத்தா பட புரமோஷனில் பிசியாக இருந்ததால் இந்த பிரீமியரில் கலந்துகொள்ள முடியவில்லை.

அதேசமயம் கிரே மேன் படக்குழுவினரை கவுரவிக்க நினைத்த ஆமீர்கான் ரூசோ பிரதர்ஸ், நடிகர் தனுஷ் உள்ளிட்ட படக்குழுவினரை தனது வீட்டிற்கு அழைத்து குஜராத்தி பாணியிலான விருந்தளித்து அவர்களை அசத்தி விட்டார். இந்த விருந்தில் பரிமாறப்பட்ட விதவிதமான உணவுகளை தயாரிப்பதற்கென்றே குஜாரத்தில் இருந்து சிறப்பு வாய்ந்த சமயற்கலை வல்லுனர்களை வரவழைத்துள்ளார் ஆமீர்கான்.. ஆச்சர்யமாக தாங்கள் விவாகரத்து பெற்று பிரிய இருப்பதாக ஏற்கனவே அறிவிக்கப்பட்ட ஆமீர் கானின் மனைவி கிரண் ராவும் இந்த விருந்தில் பங்கேற்றார்.

• 
  நான் கார்த்தியின் தீவிர ரசிகை : கிர்த்தி ஷெட்டி
• 
  இன்னும் 50 நாள் : பராசக்தி புதிய போஸ்டர் வெளியீடு
• 
  ஆர்யன் படம் வருகிற 28-ல் நெட்பிளிக்சில் வெளியாகிறது
• 
  ஜாய் கிறிஸ்டில்லாவுக்கு எதிராக மாதம்பட்டி ரங்கராஜ் தொடுத்த வழக்கை ...
• 
  சிம்பு கதையில் ரஜினியா...

• 
  ஹிந்தியில் மீண்டும் தடம் பதிப்பாரா தனுஷ்?
• 
  சினிமா டூ அரசியல் : பாலிவுட்டின் ‛ஹீ மேன்' தர்மேந்திராவின் வாழ்க்கை ...
• 
  ஹிந்தி நடிகர் தர்மேந்திரா காலமானார்
• 
  4 வருடங்களுக்கு பிறகு வெளியானது 'பேமிலி மேன் 3'
• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...