ரசவாதியில் சித்த வைத்தியரின் கதை : சாந்தகுமார் | எம்.ஜி.ஆர் மாதிரி செயல்படுவேன்: 10 டிராக்டர் வழங்கி ராகவா லாரன்ஸ் பேச்சு | தயாரிப்பு நிறுவனம் தொடங்கிய நெல்சன் | நாக சைதன்யா, பூஜா ஹெக்டேவை இயக்கும் விருபாக்ஷா இயக்குனர் | ஜூன் 13ல் வெளியாகும் ‛இந்தியன் 2' | தெலுங்கிற்கே முன்னுரிமை தரும் 'குபேரா' குழு | ஒரு அப்டேட் கூட வரவில்லை, வருத்தத்தில் அஜித் ரசிகர்கள் | இளம் இசையமைப்பாளர் பிரவீண் குமார் மரணம் | ஏப்ரல் மாதத்திலும் தொடர்ந்த ஏமாற்றம் - 2024 ஏப்ரல் படங்கள் ஓர் பார்வை | ‛ஆனந்த ராகம்' பாடிய அபூர்வ குரல் உமா ரமணன் காலமானார் |
சாய்பல்லவி நடிப்பில் வரும் ஜூலை 15ஆம் தேதி வெளியாக இருக்கும் படம் கார்கி. நிவின்பாலி தமிழில் நடித்த ரிச்சி படத்தை இயக்கிய கவுதம் ராமச்சந்திரன் என்பவர் தான் இந்த படத்தை இயக்கியுள்ளார். இன்னொரு கதாநாயகியாக ஐஸ்வர்ய லட்சுமி நடித்துள்ள இந்த படத்தில் சாய் பல்லவி ஆசிரியையாகவும் தன் தந்தை மீது போடப்பட்ட பொய்யான வழக்குக்கு எதிராக போராடுபவராகவும் நடித்துள்ளார். இந்த நிலையில் இந்த கதாபாத்திரத்தில் நடிப்பதற்காக முதலில் பரிசீலனையில் இருந்தவர் நடிகை ஐஸ்வர்யா ராஜேஷ் தான் என்கிற தகவல் தற்போது வெளியாகியுள்ளது.
இது குறித்த சமீபத்திய பேட்டி ஒன்றில் ஐஸ்வர்யா ராஜேஷ் தானே இந்த தகவலை கூறியுள்ளார். இந்த கதையையும் கதாபாத்திரத்தையும் கேட்டதும் தன்னைவிட இன்னும் பெரிய நடிகை நடித்தால் தான் கதாபாத்திரம் வலுவாக இருக்கும் என்று கூறியதாகவும் அவரே சாய்பல்லவி பெயரை பரிந்துரை செய்ததாகவும் அந்த பேட்டியில் கூறியுள்ளாராம் ஐஸ்வர்யா ராஜேஷ். இப்படி தன்னைத்தேடி வந்த ஒரு நல்ல வாய்ப்பை சக நடிகைக்கு சிபாரிசு செய்யும் ஆரோக்கியமான சூழல் தமிழ் சினிமாவில் நிலவுவது ஆச்சரியமான விஷயம்தான்.