ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
சசிகுமார் நடித்த சுந்தரபாண்டியன் படத்தை இயக்கியவர் பிரபாகரன். முதல் படமே ஹிட்டாக அமைந்ததால், அவரை அழைத்து கதையை கேட்டார் உதயநிதி. அந்த கதையும் ஒரு கல் ஒரு கண்ணாடிக்கு இணையாக காதல் வித் லவ் பாணியில் இருந்ததால் உடனே தான் அதை தயாரித்து நடிப்பதாக அவருக்கு வாக்கு கொடுத்தார். இதனால் மிகுந்த உற்சாகத்தோடு அந்த படவேலைகளில் இறங்கினார் பிரபாகரன். அதோடு, நயன்தாரா, சந்தானத்தையும் உடனடியாக புக் பண்ணினார்கள்.
ஆனால் இசையமைப்பாளராக யாரை புக் பண்ணலாம் என்ற பேச்சு எழுந்தபோது, சுந்தரபாண்டியன் படத்துக்கு இசையமைத்த ரகுநந்தனின் பெயரை சிபாரிசு செய்தாராம் பிரபாகரன். ஆனால் அதில் உதயநிதிக்கு உடன்பாடில்லையாம். இருப்பினும் உடனடியாக அதற்கான பதிலை சொல்லாமல் இழுத்தடித்தவர், தற்போது ஹாரிஸ் ஜெயராஜ் எனக்கு முதல் படத்திலேயே சூப்பர் ஹிட் பாடல்களை கொடுத்தவர். அதனால் இந்த படத்துக்கும் அவரைதான் இசையமைக்க வைக்கும் முடிவில் இருக்கிறேன் என்றாராம். ஆனால் பிரபாகரனோ, ரகுநந்தன் எனது நண்பர், அதனால் அவருடன் இணைந்து பணியாற்றுவது எளிதாக இருக்கும் என்று தனது கருத்தை முன்வைத்தாராம். ஆனால் இந்த விசயத்தில் அவருக்கு விட்டுக்கொடுக்கவில்லையாம் உதயநிதி. ஹாரிஸ் ஜெயராஜ் எனக்கு ஹிட் கொடுததவர் மட்டுமின்றி, நானே அவரது ரசிகரும்கூட. அதனால் எனது இந்த முடிவில் மாற்றமில்லை என்று உறுதிபடுத்தி விட்டாராம். அதனால் வேறுவழியில்லாமல் அதற்கு உடன்பட்டிருக்கிறார் பிரபாகரன்.