சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் மலையாள நடிகர் | மும்பையில் தொடங்கிய குபேராவின் அடுத்தக்கட்ட படப்பிடிப்பு | அயோத்தி பட இயக்குனரின் அடுத்த பட அப்டேட் | ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது |
மும்பை நட்சத்திர ஓட்டலில், தகராறில் ஈடுபட்டு, வர்த்தகர் ஒருவரை தாக்கிய வழக்கில், பாலிவுட் நடிகர் சயீப் அலிகான் மீது, மும்பை போலீசார் குற்றப் பத்திரிகை தாக்கல் செய்தனர்.பிரபல இந்தி நடிகர் சயீப் அலிகான், சில மாதங்களுக்கு முன், நடிகை கரீனா கபூரை திருமணம் செய்து கொண்டார். இருவரும் காதலர்களாக இருந்த போது, அடிக்கடி நட்சத்திர ஓட்டல்களில் சந்தித்து கொண்டனர். அந்த வகையில், பிப்ரவரி, 22ம் தேதி, மும்பையில் உள்ள தாஜ் ஓட்டலில் உள்ள வசாபி ரெஸ்டாரன்ட்டுக்கு கரீனா கபூருடன் சென்றார். அவர்களுடன், கரீனாவின் சகோதரி கரீஷ்மா மற்றும் சில நண்பர்கள் சென்றனர். அங்கு நடந்த விருந்தில், அவர்கள் அரட்டை அடித்து மகிழ்ச்சியாக இருந்தனர். அவர்களது அரட்டை கச்சேரி, அதே ரெஸ்டாரன்ட்டுக்கு வந்திருந்த, தென் ஆப்பிரிக்க வர்த்தகரான இக்பால் மிர் ஷர்மாவுக்கு எரிச்சலை ஏற்படுத்தியது. அவர், தன் மாமனாருடன் அங்கு சாப்பிட வந்திருந்தார்.
ஒரு கட்டத்தில், சயீப் குழுவினரின் கூச்சலை பொறுக்க முடியாமல், சயீப் அலிகான் குழுவினரை பார்த்து, அமைதியாக இருக்கும்படி ஷர்மா கேட்டுள்ளார். அது, வாக்குவாதமாகி தகராறில் முடிந்துள்ளது. சயீப்பும், அவரது நண்பர்களும் சேர்ந்து ஷர்மாவை தாக்கியுள்ளனர். இது குறித்து, மும்பை, கொலபா போலீஸ் நிலையத்தில், ஷர்மா புகார் செய்தார்.
புகாரை பதிவு செய்து விசாரணை நடத்தி வந்த போலீசார், சயீப் அலிகான் மற்றும் அவரது நண்பர்கள், ஷகில், பிலால் மீது மும்பை பெருநகர மாஜிஸ்திரேட் கோர்ட்டில், குற்றப்பத்திரிகை தாக்கல் செய்தனர். இதில், 29 பேர் அளித்த வாக்குமூலம் இடம் பெற்றுள்ளது.ஏற்கனவே இந்த வழக்கில், சயீப்பும் அவரது நண்பர்கள் இருவரும், தங்களை போலீசார் கைது செய்யாமல் இருக்க முன் ஜாமின் பெற்றுள்ளனர்.