Dinamalar

இந்தியில் ரீமேக் ஆகும் அலா வைகுந்தபுரம்லோ: படப்பிடிப்பு தொடங்கியது

அல்லு அர்ஜுன், பூஜா ஹெக்டே, ஜெயராம், தபு உள்ளிட்ட பலர் நடிப்பில் வெளியான படம் அலா வைகுந்தபுரம்லோ. த்ரிவிக்ரம் இயக்கத்தில், தமன் இசையமைப்பில் வெளியான இந்தப் படம் பெரும் வரவேற்பைப் பெற்றது. வசூல் ரீதியாகப் பல்வேறு சாதனைகளையும் உடைத்தது. அல்லு அர்ஜுனின் படங்களிலேயே அதிக வசூல் செய்த படம் என்ற சாதனை படைத்தது. படத்தில் இடம்பெற்ற ராமுலோ ராமுலா... என்ற பாடல் தெலுங்கு சினிமா சரித்திரத்தில் அதிகம் பார்க்கப்பட்ட பாடலானது.

கடந்த ஆண்டு வெளியான இந்த படம் பல இந்திய மொழிகளில் ரீமேக் செய்யப்பட இருக்கிறது. இதன் இந்தி ரீமேக் உரிமையைக் கைப்பற்ற கடும் போட்டி நிலவியது. இறுதியாக பூஷண் குமார், கிருஷ்ணன் குமார், ராதா கிருஷ்ணா, அமன் கில் மற்றும் அல்லு அரவிந்த் ஆகியோர் ரீமேக் உரிமையை பெற்றனர்.

படத்திற்கு ஷெஸாடா என்று டைட்டில் வைத்துள்ளனர். அல்லு அர்ஜுன் கதாபாத்திரத்தில் கார்த்திக் ஆர்யன், பூஜா ஹெக்டே கதாபாத்திரத்தில் கீர்த்தி சனோன் நடிக்கிறார்கள். இவர்களுடன் ப்ரேஷ் ராவல், மனிஷா கொய்ராலா உள்ளிட்ட பலர் நடிக்கிறார்கள். ரோஹித் தவான் இயக்குகிறார். இதன் படப்பிடிப்புகள் ஆயுத பூஜையை முன்னிட்டு நேற்று தொடங்கியது. படம் அடுத்த ஆண்டு தீபாவளிக்கு வெளியாகும் என்று அதிகாரபூர்வமாக அறிவிக்கப்பட்டுள்ளது.

• 
  கூலி, இட்லி கடை - ஏட்டிக்குப் போட்டியான அறிவிப்பா?
• 
  ஆண்கள் மட்டும்தான் லுங்கி அணிய வேண்டுமா ?
• 
  கேத்ரின் தெரசாவின் பனி
• 
  இறுதி கட்டத்தில் ஐஸ்வர்யா ராஜேஷ் படம்
• 
  பிளாஷ்பேக்: எம்.ஜி.ஆர் நடிக்க விரும்பிய படத்தில் நடித்த ரஜினி

• 
  ஆஸ்கர் விருது வரை சென்ற 'லபாட்டா லேடீஸ்' படம் கதை காப்பி சர்ச்சையில் ...
• 
  சினிமா ஆனது இந்தியாவின் முதல் மகாத்மாவின் வாழ்க்கை
• 
  பழம்பெரும் ஹிந்தி நடிகர் மனோஜ் குமார் காலமானார்
• 
  முதல் கடார் என் சினிமாவை மூடியது... இண்டாவது கடார் திறந்து வைத்தது : சன்னி ...
• 
  'ரெய்டு 2' படத்தில் சிறப்பு பாடலில் தமன்னா!