ஜூலை மாதத்தில் வெளியாகும் ராயன் | சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் மலையாள நடிகர் | மும்பையில் தொடங்கிய குபேராவின் அடுத்தக்கட்ட படப்பிடிப்பு | அயோத்தி பட இயக்குனரின் அடுத்த பட அப்டேட் | ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது |
நடிகர் சஞ்சய் தத்தின் வாழ்க்கை, சஞ்சு என்ற பெயரில் படமாக தயாராகி உள்ளது. சஞ்சய் தத்தின் இளமை காதல், சினிமா பயணம், போதை பழக்கத்திற்கு அடிமையானது, ஆயுதம் கடத்திய வழக்கு, சிறைவாசம் உள்ளிட்ட அவரின் ஒட்டுமொத்த வாழ்க்கையும் இந்தப்படத்தில் சொல்லப்பட்டுள்ளது.
சஞ்சய் தத்தாக ரன்பீர் கபூர் நடித்திருக்கிறார். முன்னாபாய் எம்.பி.பி.எஸ், 3 இடியட்ஸ், பிகே படங்களை இயக்கிய ராஜ்குமார் ஹிரானி இயக்கி உள்ளார். ஏற்கனவே படத்தின் டீசர், டிரைலர் ரசிகர்களிடத்தில் வரவேற்பை பெற்றன. குறிப்பாக ரன்பீர், சஞ்சய் தத் போன்றே வாழ்ந்திருக்கிறார் என டிரைலரில் பாராட்டை பெற்றார்.
இந்நிலையில் இப்படம் நேற்று ரிலீஸானது. எதிர்பார்ப்பை போலவே சஞ்சு படத்திற்கு அமோக அமோக வரவேற்பு கிடைத்திருக்கிறது. இதனால் பாக்ஸ் ஆபிஸிலும் வசூல் மழை பொழிந்திருக்கிறது. இப்படம் இந்தியாவில் மட்டும் முதல்நாளில் ரூ.32 முதல் 34 கோடி வசூலித்திருப்பதாகவும், உலகம் முழுக்க ரூ.50 கோடி வசூலை ஈட்டியிருப்பதாகவும் பாக்ஸ் ஆபிஸ் நிலவரங்கள் தெரிவிக்கின்றன.
2018-ம் ஆண்டு இந்தியாவில் வெளியான படங்களிலேயே, சஞ்சு படம் தான் முதல்நாள் வசூலில் நம்பர்-1 இடத்தை பிடித்திருப்பதாக கூறப்படுகிறது.