விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் | வாக்காளர் பட்டியலில் மமிதா பைஜூ பெயர் நீக்கம் |
மறைந்த பிரபல பாலிவுட் நடிகர் சஷி கபூரின் உடல், அரசு மரியாதையுடன் தகனம் செய்யப்பட்டது. கொட்டும் மழையிலும் பாலிவுட்டின் அமிதாப் பச்சன் உள்ளிட்ட பல பிரபலங்கள் நேரில் வந்து அஞ்சலி செலுத்தினர்.
1970 - 80ம் ஆண்டுகளில் ஹிந்தி திரையுலகில் காதல் படங்களில் நடித்து கொடிகட்டி பறந்தவர் சஷி கபூர். 1938ல் பிறந்த இவர், 4 வயதில் திரையுலகில் நுழைந்தார். தர்மபுத்ரா படத்தின் மூலம் ஹீரோவாக அறிமுகமான இவர், தீவார், கபி கபி, நமக் ஹலால், காலா பதர், சத்யம் சிவம் சுந்தரம் உள்ளிட்ட காலத்தால் அழியாத 100-க்கும் அதிகமான படங்களில் நடித்துள்ளார்.
கடந்த சில ஆண்டுகளாக, உடல் நலக்குறைவால் பாதிக்கப்பட்டிருந்த சஷி கபூர், மும்பை, கோகிலாபென் திருபாய் அம்பானி மருத்துவமனையில் சேர்க்கப்பட்டிருந்தார். சிகிச்சை பலனளிக்காமல் நேற்று காலமானார்.
பின்னர் அவரது உடல் மும்பையில் உள்ள இல்லத்தில் அஞ்சலிக்காக வைக்கப்பட்டது. அமிதாப் பச்சன், அபிஷேக் பச்சன், ஐஸ்வர்யா ராய், ஷாரூக்கான், சைப் அலிகான், அனில் கபூர், சஞ்சய் தத், நஸ்ருதீன் ஷா, ரன்பீர் கபூர், ரன்தீர் கபூர், ரிஷி கபூர் உள்ளிட்ட ஏராளமான பாலிவுட் பிரபலங்கள் அஞ்சலி செலுத்தினர். பல பிரபலங்கள் டுவிட்டரில் இரங்கல் தெரிவித்தனர்.
பின்னர் அவரது உடல் ஊர்வலமாக எடுத்து செல்லப்பட்டு, அரசு மரியாதையுடன் தகனம் செய்யப்பட்டது.
சஷி கபூருக்கு 2011-ம் ஆண்டு பத்ம பூஷண் விருதும், 2015-ம் ஆண்டு சினிமா உலகில் மிக உயர்ந்த விருதான தாதா சாகேப் பால்கே விருது வழங்கி கவுரவிக்கப்பட்டுள்ளார்.
சஷி கபூருக்கு குணால் கபூர், கரண் கபூர், சஞ்சனா கபூர் ஆகிய மூன்று பிள்ளைகள் உள்ளனர்.