ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
மும்பை : பிரபல பாலிவுட் நடிகர் சசி கபூர் காலமானார். அவருக்கு வயது 79. வயது மூப்பு மற்றும் நாள்பட்ட உடல்நலக்குறைவு காரணமாக அவரது உயிர் பிரிந்தது.
கபூர் குடும்பத்தில் இருந்து வந்த சசி கபூர், 1938ம் ஆண்டு மார்ச் 18-ம் தேதி பிறந்தார். பாலிவுட்டில் பல்வேறு திரைப்படங்களில் நடித்து, திரையுலகில் முடிசூடா மன்னனாக இருந்தார். இவர் நடித்த தீவார்(1975), சத்யம் சிவம் சுந்தரம்(1978), ஜூனூன்(1978) ஷான்(1980) நாமக் ஹலால்(1982) ஆகிய திரைப்படங்கள் மூலம் பாலிவுட்டில் பெரும் ரசிகர் கூட்டத்தை சம்பாதித்தார். நடிப்பு மட்டுமின்றி, இயக்குநர் மற்றும் தயாரிப்பாளர் என் பன்முகத்தன்மை கொண்டவராக விளங்கினார்.
உலக புகழ்பெற்ற இந்திய நடிகர்களில் ஒருவரான சசிகபூர் 160 படங்களில் நடித்துள்ளார். இவர் இதுவரை 3 முறை தேசிய விருது பெற்றுள்ளார். இவரது நடிப்புத்திறனை அங்கீகரித்த இந்திய அரசு 2015ம் ஆண்டு பத்ம பூஷன் விருதை வழங்கி கவுரவித்தது. மேலும் இவர் 2015-ம் ஆண்டு திரைத்துறையின் மிக உயரிய விருதான தாதா சாகிப் பால்கே விருதும், 2010ம் ஆண்டு பிலிம்பேரின் வாழ்நாள் சாதனையாளர் விருதையும் பெற்றுள்ளார். இவரது மறைவுக்கு திரைத்துறையினர் மட்டுமன்றி பிரபலங்கள் பலரும் தங்கள் இரங்கல்களை தெரிவித்து வருகின்றனர்.