ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
1975ம் ஆண்டு ஆகஸ்ட் மாதம் 18ம் தேதி வெளியான 'அபூர்வ ராகங்கள்' படம் வெளிவந்த போது அந்தப் படத்தில் அறிமுகமான ரஜினிகாந்த் தமிழ்த் திரையுலகத்தில் மிகப் பெரும் தாக்கத்தை ஏற்படுத்தப் போகிறார் என்று யாரும் நினைத்திருக்க மாட்டார்கள். பெங்களூருவிலிருந்து நடிகனாக வேண்டும் என்ற ஆசையில், சென்னை திரைப்படக் கல்லூரியில் நடிப்புப் பயிற்சி பெற்று, பாலசந்தர் பார்வையில் பட்டு 'அபூர்வ ராகங்கள்' படத்தில் சில காட்சிகளில் வந்தாலும் முக்கியக் கதாபாத்திரத்தில் அறிமுகமானார் ரஜினிகாந்த்.
அடுத்த ஐந்து வருடங்களில் வில்லன் கதாபாத்திரம் உட்பட பல விதமான கதாபாத்திரங்களில் நடித்தவர் 1980களில் தனிப் பெரும் வசூல் ஹீரோவாக உயர்ந்து நின்றார். அப்போது ஆரம்பமான அவரது வசூல் சாம்ராஜ்யம் இத்தனை வருடங்கள் கழித்தும் இன்னமும் தொடர்ந்து கொண்டிருக்கிறது. இடையில் சில வருடங்கள் 2010 முதல் 2014 வரை உடல்நிலை காரணமாக நடிக்காமல் இருந்தால் கூட, என்றும் மாறாத ரசிகர்களின் அன்பையும், அவருக்கே உண்டான வசூல் சாதனையையும் படைத்தார்.
திரையுலகத்தில் 42 வருடப் பயணம் என்பது சாதாரண விஷயமல்ல. எம்ஜிஆர், கமல்ஹாசன் ஆகியோரின் திரையுலகப் பயணம் புகழ் பெற்ற நீண்ட நெடியது என்றாலும் ரஜினிகாந்தின் திரையுலகப் பாதை அவர்களுடன் ஒப்பிட முடியாத தனி பாதை எனத் தாரளமாகச் சொல்லலாம்.
இப்போதும் 'காலா' படத்தில் தன்னுடைய காந்தமான நடிப்பை வெளிப்படுத்திக் கொண்டு நடித்துக் கொண்டிருக்கிறார். எவ்வளவோ நட்சத்திரங்கள் இந்தத் திரையுலகத்தில் இருந்தாலும் ஒரு சிலரை மட்டும்தான் ரசிகர்கள் காலம் கடந்தும் கொண்டாடுவார்கள், அவர்களில் ரஜினிகாந்த்தும் ஒருவர்.