ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
ஜுலை மாதம் ஆரம்பமான பின் வந்த முதல் வெள்ளிக்கிழமையான 7ம் தேதி தியேட்டர்கள் ஸ்டிரைக் நடந்த காரணத்தினால் அன்றைய தினம் ஒரு படம் கூட வெளிவரவில்லை. அதனால், பல படங்களை ஜுலை 14ம் தேதிக்கும், மற்ற நாட்களுக்கும் தள்ளி ரிலீஸ் செய்ய முடிவெடுக்கப்பட்டது.
கடந்த வெள்ளிக்கிழமை ஜுலை 14ம் தேதி “நிரஞ்சனா, நீ என்ன மாயம் செய்தாய், திரி, ரூபாய், பண்டிகை, ஜெமினிகணேசனும் சுருளிராஜனும்” ஆகிய படங்கள் வெளிவந்தன. இவற்றில் ''பண்டிகை, ஜெமினிகணேசனும் சுருளிராஜனும்” ஆகிய இரண்டு படங்களைத் தவிர மற்ற படங்கள் தடுமாறிக் கொண்டுள்ளதாகத்தான் தகவல்கள் தெரிவிக்கின்றன.
இந்த வார வெள்ளிக்கிழமையான ஜுலை 21ம் தேதியும் 7 படங்கள் வெளிவர உள்ளன. “விக்ரம் வேதா, மீசைய முறுக்கு, பாக்கணும் போல இருக்கு, சவரிக்காடு, ஏன் இந்த மயக்கம், 88, எந்த நேரத்திலும்” ஆகிய படங்கள் வெளிவர உள்ளன.
ஜுலை மாத முதல் வாரத்தில் நடந்த தியேட்டர்கள் ஸ்டிரைக்கால் ஜுன் மாதக் கடைசியில் வெளிவந்த படங்களின் வசூல் பாதிக்கப்பட்டது. அதன் பின் ஸ்டிரைக் முடிந்து தியேட்டர்கள் திறந்த பின்னும் பழையபடி வசூல் இல்லாமல் தியேட்டர்களும் தடுமாறிக் கொண்டிருக்கின்றன. இந்த சூழ்நிலையில் கமல்ஹாசன் தொகுத்து வழங்கும் 'பிக் பாஸ்' நிகழ்ச்சியின் மூலமும் தியேட்டர்களின் வசூல் பாதிக்கப்பட்டுள்ளதாகத் தெரிகிறது.
குறிப்பாக சனி, ஞாயிற்றுக் கிழமைகளில் இரவு காட்சிகளுக்கு மக்கள் வருவது வெகுவாகக் குறைந்துவிட்டதாம். இப்படிப்பட்ட சூழ்நிலையில் இந்த வாரமும் 7 படங்கள் வெளியாவது தவிர்க்க முடியாத ஒன்று என்றாலும் இரண்டு படங்களைத் தவிர மற்ற படங்கள் தாக்குப் பிடிக்க முடியுமா என்பதே சந்தேகம்தான் என தியேட்டர் வட்டாரங்களில் தெரிவிக்கிறார்கள்.