அடையாளம் தெரியாத அளவிற்கு மாறிப்போன கமலினி முகர்ஜி | 'பிரேமலு' பிரபலம் மமிதா பைஜு தமிழிலும் பிரபலம் ஆவாரா? | சூர்யாவின் 'கங்குவா' டீசர் இன்று மாலை வெளியீடு; பரபரப்பை ஏற்படுத்துமா? | நாங்கள் தாசிகள் தான்! சின்னத்திரை நடிகை தீபாவின் உருக்கமான பேச்சு | மீண்டும் சீரியலில் கம்பேக் கொடுத்த ஸ்ருதி சண்முகப்ரியா! | ஓடிடியிலும் சாதனை படைக்கும் 'ஹனுமான்' | 'ஆடு' படத்தின் மூன்றாம் பாகம் அறிவிப்பு | அனுபம் கெர் படத்திற்கு இசையமைக்கும் மரகதமணி | சூர்யாவின் 'புறநானூறு' தள்ளிப் போகிறதா? | ராம்சரணை தொடர்ந்து கியாரா அத்வானியின் கேரக்டர் லுக்கும் லீக் ஆனது |
இயக்குநரும், நடிகருமான தம்பி ராமையாவின் மகன் கதாநாயகனாக அறிமுகமாகும் படம் 'அதாகப்பட்டது மகாஜனங்களே'. விஜய் டி.வி.யில் நிகழ்ச்சித் தயாரிப்பாளராக பணிபுரிந்த இன்பசேகர் இயக்குநராக அறிமுகமாகும் படம். இந்த படத்தில் உமாபதிக்கு ஜோடியாக ரேஷ்மா ரத்தோர் நடித்துள்ளார். இவர்களுடன் 'ஆடுகளம்' நரேன், பாண்டியராஜன், மனோபாலா முதலானோர் நடிக்க, பாடல்களை யுகபாரதி எழுதியுள்ளார். இப்படத்திற்கு டி.இமான் இசை அமைத்துள்ளார்.
'அட்டக்கத்தி', 'குக்கூ' முதலான படங்களுக்கு ஒளிப்பதிவு செய்த பி.கே.வர்மா இந்த படத்துக்கு ஒளிப்பதிவு செய்துள்ளார். 'அதாகப்பட்டது மகாஜனங்களே' படத்தை வெளியிட பலமுறை தேதிகள் அறிவிக்கப்பட்டும் தியேட்டர்கள் கிடைக்காததினால் படத்தை வெளியிட முடியவில்லை.
இந்நிலையில் நாளை 150-க்கும் மேற்பட்ட தியேட்டர்களில் இந்த படம் வெளியாகவிருக்கிறது என்று படக்குழுவினர் தெரிவித்திருந்தனர். ஆனால் கௌதம் கார்த்திக் நடித்துள்ள இவன் தந்திரன் படத்துக்கு ரிப்போர்ட் பாசிட்டிவ்வாக உள்ளதால் தியேட்டர்காரர்கள் அந்தப் படத்தை திரையிட ஆர்வம் காட்டி வருகின்றனர். அதனாலோ என்னவோ 'அதாகப்பட்டது மகாஜனங்களே' படத்துக்கு 75 தியேட்டர்கள் கூட கிடைக்கவில்லை.