சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் | வாக்காளர் பட்டியலில் மமிதா பைஜூ பெயர் நீக்கம் | காதலரின் புகைப்படங்களை நீக்கிய ஸ்ருதிஹாசன் : முடிவுக்கு வந்ததா காதல்? | ஜூலை மாதத்தில் வெளியாகும் ராயன் |
திரைப்பட எடிட்டர்களும் இயக்குனர் ஆகிக் கொண்டிருக்கிறார்கள். கடைசியாக பிரபல எடிட்டர் ஆண்டனி, சத்யராஜ் நடித்த ஒரு நாள் இரவு படத்தை இயக்கினார். தற்போது இன்னொரு எடிட்டரான டான் போஸ்கோ இயக்குனராகி இருக்கிறார்.
சுந்தரபாண்டியன்' படம் மூலம் எடிட்டராக அறிமுகமானவர் டான் போஸ்கோ. இப்படத்தின் வெற்றியை தொடர்ந்து 'இது கதிர்வேலன் காதல்', 'தரணி', 'நையப்புடை' உள்ளிட்ட பல படங்களுக்கு எடிட்டராக பணியாற்றியுள்ளார். விஷ்ணு விஷால் நடிக்கும் 'அழகுக்கு நீ அறிவுக்கு நான்', 'உத்தரவு மஹாராஜா', உள்ளிட்ட பல படங்கள் வெளியாக தயாராக இருக்கும் நிலையில், தற்போது இவர் புதிய படம் மூலம் இயக்குனராக அறிமுகமாக இருக்கிறார்.
இயக்குனராவது குறித்து டான் போஸ்கோ கூறியதாவது: நான் முதலில் 'உதவி' என்ற குறும்படத்தை இயக்கினேன். அதுதான் எனக்கு சிறந்த புத்துணர்ச்சியை கொடுத்தது. யாரிடமும் உதவி எடிட்டராக பணியாற்றாமல் எடிட்டிங் கற்றுக் கொண்டு சினிமா உலகில் அடியெடுத்து வைத்தேன். எனக்கு எடிட்டர் என்ற அடையாளம் கொடுத்தது 'சுந்தரபாண்டியன்' படம். முதல் படமே பெயர் சொல்லும் அளவிற்கு அமைந்தது சந்தோஷம். பல படங்களுக்கு எடிட்டிங் செய்து வந்ததால் படம் இயக்க முடியவில்லை. அதுபோல், யாரிடமும் உதவி இயக்குனராக பணியாற்றாமல், தற்போது முழுவீச்சில் படம் இயக்கும் எண்ணத்தில் களம் இறங்கி இருக்கிறேன். விரைவில் படம் பற்றிய முழு அறிவிப்பையும் வெளியிடுவேன். என்றார் டான்போஸ்கோ.