ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
பரதன் இயக்கத்தில் விஜய், கீர்த்தி சுரேஷ் மற்றும் பலர் நடிக்கும் பைரவா படத்தின் டீசர் நேற்று இரவு 9.30 மணிக்கு யு டியூபில் வெளியிடப்பட்டது. முதலில் நள்ளிரவில் வெளியிடுவதாகத்தான் அறிவித்திருந்தார்கள். ஆனால், திடீரென இரண்டரை மணி நேரம் முன்னதாகவே வெளியிட்டுவிட்டார்கள். டீசர் வெளியான அடுத்த சில நிமிடங்களுக்குள்ளேயே அதைப் பார்வையிட்டவர்களின் எண்ணிக்கை விறுவிறுவென ஏறிக் கொண்டே போனது. ஒரு கட்டத்தில் யு டியூப் அந்த எண்ணிக்கையை அப்டேட் செய்யாமலேயே விட்டுவிட்டது.
காலை வரையில் அந்த டீசரை லைக் செய்தவர்களின் எண்ணிக்கை 1 லட்சத்து 30 ஆயிரத்தைத் தாண்டியது. லைக்கே அவ்வளவு இருக்கும் போது டீசரைப் பார்த்தவர்களின் எண்ணிக்கை சுமார் 10 லட்சத்தைத் தாண்டியிருக்க வாய்ப்புள்ளது. ஆனால், ஏனோ யு டியூப் பார்வையிட்டவர்களின் எண்ணிக்கையை காலை வரையில் அப்டேட் செய்யாமலேயே வைத்திருக்கிறது.
விஜய் நடித்து இந்த ஆண்டில் வெளிவந்த தெறி படத்தின் டீசர் மிகப் பெரும் சாதனையைப் படைத்தது. அதற்கு முன்னதாக வேதாளம் படம் செய்த சாதனைகளையும் முறிடியத்தது. அடுத்த அஜித் படம் வெளிவருவதற்குள் மீண்டும் ஒரு விஜய் படம் வந்து புதிய சாதனையைப் புரிய ஆரம்பித்துள்ளது. பொதுவாகவே விஜய் நடிக்கும் படங்களின் டீசரோ, டிரைலரோ அல்லது அஜித் நடிக்கும் படங்களின் டீசரோ, டிரைலரோ வெளியில் வந்தால் இருவரது ரசிகர்களும் சமூக வலைத்தளங்களில் மாறி மாறி சண்டையிட்டுக் கொள்வார்கள். அது இப்போது பைரவா டீசரிலும் தொடர்கிறது.
பைரவா டீசரின் சாதனையை முறியடிக்க அடுத்த அஜித் படம் வரும் வரை அஜித் ரசிகர்கள் காத்திருக்க வேண்டும்.