ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
வெங்கட் பிரபு இயக்கி வெற்றி பெற்ற சென்னை 28 படத்தின் இரண்டாம் பாகம் இப்போது தயாராகி உள்ளது. அதில் நடித்த ஜெய், மிர்சி சிவா, விஜயலட்சுமி, பிரேம்ஜி, விஜய் வசந்த், நிதின் சத்யா ஆகியோர் மீண்டும் நடிக்கிறார்கள். முதல் பாகத்துக்கு இசை அமைத்த யுவன் ஷங்கர் ராஜா 2ம் பாகத்துக்கும் இசை அமைத்திருக்கிறார். இதன் பாடல் மற்றும் டிரைலர் வெளியீட்டு விழா வருகிற 7ந் தேதி மலேசியாவில் பிரமாண்ட விழா நடத்தி வெளியிடப்படுகிறது. இதற்காக சென்னை 28 டீம் மலேசியா புறப்பட்டுச் செல்கிறது.
இது குறித்து இயக்குனர் வெங்கட்பிரபு கூறியிருப்பதாவது: தமிழ் திரைப்படங்களின் சொர்க்க வாசலாக கருதப்படும் ஒரு நாடு மலேசியா. ஒவ்வொரு படங்களையும் திருவிழாவாக கொண்டாடும் மலேசியா ரசிகர்கள் தான் அந்த சொர்க்க வாசலின் வலுவான தூண்கள். தமிழ் திரையுலகின் வெற்றி பாதைக்கு சிறந்ததொரு கலங்கரை விளக்கமாக திகழ்வது மலேசியா. சிறந்த திரைப்படங்கள், பல மலேசியாவில் படமாக்கப்பட்டது மட்டுமின்றி, அங்கே சிறப்பான முறையில் விளம்பரபடுத்தப்பட்டிருப்பதே அதற்கு சிறந்த உதாரணம்.
அதுமட்டுமின்றி, பல திறமையான கலைஞர்களை சினிமாவிற்கு வழங்கிய பெருமையும் மலேசியாவிற்கு உண்டு. அத்தகைய அற்புதமான ரசிகர்கள் மத்தியில் எங்களின் சென்னை 28 இரண்டாம் பாகத்தின் இசை மற்றும் டிரைலரை வெளியிடுவதை பெருமையாக கருதுகிறோம். யுவன்ஷங்கர் ராஜா மீது மலேசிய ரசிகர்கள் வைத்திருக்கும் பேரன்பை மனதில் கொண்டு, அங்கே எங்களின் இசை மற்றும் டிரைலரை வெளியிட முடிவு செய்திருக்கிறோம் " என்கிறார் வெங்கட் பிரபு.